ҚР Сауда және интеграция министрі Бақыт Сұлтановтың азаматтарды қабылдауы аясында отандық өнімді ілгерілету мәселелері талқыланды

2020 жылғы 28 тамызда Cауда және интеграция министрі Б.Т. Сұлтанов азаматтарды қабылдау кестесі шеңберінде «Техсоюз KZ» ЖШС өкілі Бердикуль Заурешпен отандық өнімді (жылыжай материалдары) ілгерілету мәселесі бойынша кездесу өткізді.

Компания Сауда және интеграция министрлігіне көршілес Өзбекстан, Тәжікстан, Қырғызстан, Ресей, Моңғолия елдерінің нарығына шығуға көмектесуді сұрады.

«Техсоюз KZ» зауыты көбікті каучуктан оқшаулау шығару және минералды мақта цилиндрлерінен оқшаулау шығару бойынша қызмет атқарады. «Техсоюз KZ» зауыты «IT&M» зауытымен қатар Қазақстан бойынша жалғыз зауыт болып табылады және ұлттық стандарттарға сәйкес келетін өнімдер шығарады және СТ-KZ сертификаттарына ие.

Өнім мұнай-газ, мұнай-газ-химия өнеркәсібінде, көмірсутектерді, магистральдық құбырларды тасымалдауда, жылумен жабдықтауда, ТКШ, тамақ және жеңіл өнеркәсіпте сұранысқа ие.

Өз кезегінде министр Бақыт Сұлтанов жаңа экспорттаушыларды сыртқы нарықтарға ілгерілету бойынша мемлекеттік қолдау шараларын қолдануды ұсынды. Аталған кейсті дамыту жұмыстарын ҚР Сауда және интеграция министрлігі жалғастырады.

ҚР Сауда және интеграция министрлігінің

Баспасөз қызметі

Тел.: 8(7172)74-98-94

www.mti.gov.kz

• 28.08.2020
• 356