QazTrade экспорттаушылар үшін бірыңғай терезені жетілдіруде

Сауданы цифрландыру саласындағы базалық жобалардың бірі экспорттық export.gov.kz порталын сүйемелдеу және дамыту болып табылады. Бұл жұмысты 2021 жылдан бастап отандық экспорттаушыларды мемлекеттік қолдау шараларының бірыңғай операторы «QazTrade» сауда саясатын дамыту орталығы» АҚ жүргізеді.

- ҚР СИМ құрылған сәттен бастап қазақстандық экспорттаушыларды мемлекеттік қолдау шараларын «бір терезеде» және барынша бір ұйымда біріктіру міндеті қойылды. Ағымдағы жылдан бастап QazTrade жаңа бастаған экспорттаушыларды сервистік қолдау мен оқытудан бастап, шығындарды өтеу жөніндегі жұмысқа дейінгі қаржылық және қаржылық емес шаралардың негізгі операторына айналды. Сауда министрлігінің алдына қойылған басты міндеттердің бірі экспорттаушы - export.gov.kz порталы үшін «бір терезені» жетілдіру болып табылады. Жобаның басты мақсаты – біздің кәсіпорындар үшін қолдау шараларын алудың оңтайлы жағдайларын жасау, барлық процестердің абсолютті ашықтығын қамтамасыз ету, мемлекеттік сервистер мен қызметтерді әділ бөлу үшін барлық жағдайларды жасау, - деп хабарлады «QazTrade» сауда саясатын дамыту орталығы» АҚ Бас директорының орынбасары Нұралы Бөкейханов.

Қазіргі уақытта портал үш бағыт бойынша жұмыс істейді: ақпараттық, консультациялық, интерактивті.

Ақпараттық бағыт шеңберінде портал пайдаланушыларына экспорт саласында жедел және стратегиялық ақпаратты ұсыну қамтамасыз етіледі. Сондай-ақ, елдік, салалық, өңірлік шолулар, техникалық реттеу жөніндегі ақпарат, экспорт жолнұсқалары, экспорттық өнімнің анықтамалары. Интерактивті талдау блогы іске асырылды. Сондай-ақ, экспортердің энциклопедиясы блогы құрылды, онда жаңа бастаған экспорттаушыларға арналған анықтамалық және оқыту ақпараты, сондай-ақ ҚР-дағы экспорттың жай-күйі туралы деректер базасы және осы салаға қатысты заңнама ұсынылған.

Консультациялық бағытта экспорттаушыларды қолдау шаралары туралы егжей-тегжейлі ақпарат ұсынылған. Портал арқылы компаниялар тікелей QazIndustry, Kazakh Export, Атамекен ҰКП және т.б. бизнеске талап етілетін қызметті көрсететін ұйымға қайта бағытталады.

Интерактивтік бағыт шығындарды өтеу, «Экспорттық акселерация» және Alibaba сауда алаңына шығару бағдарламалары бойынша өтінімдер беруге мүмкіндік береді. Порталмен жіберілген өтінімдерді QazTrade мамандары жедел өңдейді. Портал берілген өтінімдердің есебін жүргізуге, сондай-ақ оларды өңдеу хронологиясын тіркеуге мүмкіндік береді. Өтінімге қажетті құжаттарды бекіту тетігі іске асырылды, бұл тараптар арасындағы өзара іс-қимыл процесін жеңілдетеді және жеделдетеді.

Порталды жетілдіру жұмыстары жалғасуда.

QazTrade хабарлағандай, «экспорттаушылар үшін бірыңғай терезенің» мемлекеттік деректер базасымен (Қаржы министрлігі, Әділет министрлігі, Кеден қызметі және т.б.) терең интеграциясы қамтамасыз етіледі. «Бұл біздің экспорттаушыларға қолдау көрсету бойынша мемлекеттік қызмет көрсету үдерісін толық цифрландыруға мүмкіндік береді. Бұл өтінімдерге қызмет көрсететін өтініш берушілердің де, менеджерлердің де қаржылық және еңбек шығындары барынша азайтылатын тиімді жүйені қамтамасыз етеді», - деп мәлімдейді QazTrade-де. Индикатор экспорттаушылардың көлік шығындарын өтеуге арналған өтінімдерді қайтару санын (сапасыз дайындалған немесе ұсынылған құжаттар топтамасының толық болмауына байланысты) 88%-дан 10%-ға дейін төмендету; өтінімді қарауға арналған орташа уақыт 24 жұмыс күнінен 15-ке дейін қысқарады; үлгілік келісім жасасуға арналған орташа уақыт 15 жұмыс күнінен 10-ға дейін қысқарады.

• 11.11.2021
• 266