Шағын және орта бизнес

Мемлекет басшысы шағын және орта бизнестің жалпы өнімдегі үлесін 35%-ға арттыруды тапсырды.

Кәсіпкерлікті қолдауда «Іскер қала» өңірлік бағдарламасын қабылдап отырмыз. Үш бағытты қамтитын бұл жоба өнеркәсіп, ауыл шаруашылығы, сауда және қызмет көрсету салаларына оң әсерін тигізеді.

1-ші бағыт бойынша өндірістік парктер құрылады. Жұмысы тоқтаған немесе бос тұрған өндіріс алаңдарына шағын кәсіпорындар, өндірістік цехтар шоғырланатын болады. Ашылған өндіріс орындарына алаңды жалға алу құны бірінші жылы 75%-ға, екінші жылы – 50%-ға, үшінші жылы – 25%-ға өтеледі.

2-ші бағыт – ауыл шаруашылығы кооперативтерін құру арқылы негізгі кәсіпорындарды қажетті өнімдермен қамтамасыз ету. Ұсақ шаруашылықтар біріге отырып, толық өндірістік циклі сақталған кооперация құрады.

3-ші бағыт – 1000 сауда нүктесін ашу.

Кәсіпкерлерге көлемі 20 м2 дейінгі жер телімі 5-10 жылға дейінгі мерзімге жалға беріледі.

Жобаға «Мен кәсіпкер боламын» бағдарламасы шеңберінде қолдау көрсетіледі. Жастар және әйелдер кәсіпкерлігін қолдауға 1 пайыз жеңілдікпен несие беріледі.

Өндірістік парк қатысушылары және ауылшаруашылық кооперативтері үшін екінші деңгейлі банктер арқылы 50 млн. теңгеге дейін 2%-бен несиелеу жүйесі енгізілді.

Банктер 8,5%-дық үстемемен несие берсе оның 6,5%-ын «Shymkent» ӘКК» ЖШС-гі субсидиялайтын болады. Субсидия мерзімі 3 жылдан 7 жылға дейін болады. Несиенің 50%-ы инвестициялық бағытта және 50%-ы айналым қаражатын толтыруға бағытталады.

Қорыта келсек, мұндай жобалар қаламыздың жалпы өңірлік өнімдегі шағын және орта кәсіпкерліктің үлесін 40%-ға жеткізуге мүмкіндік береді.

• 15.11.2021
• 261