Нысанбаев Е.Н.
ҚР Экология және табиғи ресурстар министрі
Балық шаруашылығы саласындағы ірі бизнес өкілдерімен кездестім
А.ж. 13 қарашасында балық шаруашылығы саласындағы ірі бизнес өкілдерімен кездестім. Кездесу барысында жеңілдікті салық салу, инвестициялық және шаруашылық шығындарды субсидиялау, айналым қаражатын толықтыру үшін жеңілдетілген несиелендіруге қол жеткізу және технологиялық жабдық сатып алу бөлігінде мемлекеттік қолдау көрсету мәселелері талқыланды. Сондай-ақ балық және балық өнімдері мониторингінің ақпараттық жүйесін енгізу мәселелері де ортаға салынды. Бүгінгі таңда Балық шаруашылығын дамытудың 2030 жылға дейінгі бағдарламасы жүзеге асырылып жатқанын, оның шеңберінде балық өсірумен айналысатын субъектілер үшін қолайлы жағдай жасау, өзекті мәселелерді шешу және заңнаманы жетілдіру бойынша жүйелі шаралар қабылданады. Кездесу соңында Балық шаруашылығы комитетіне бизнес субъектілері көтерген мәселелерді қарастырып, оларды шешу бойынша нақты тапсырмалар берілді.
- 15.11.2021
- 242
