Ақтөбе облысына жұмыс сапарым жайында

Ақтөбе облысына екі күндік жұмыс сапарымен бардым. Сапар барысында өңірдегі егін жинау жұмыстарының барысын тексердім. Сондай-ақ,  АӨК саласындағы инвестициялық жобалардың іске асырылу барысымен, Ақтөбе ауыл шаруашылығы колледжінің, «Мұрагер-22» ЖШС африкалық сом өсіру зауытының, «Милкер» құрама жем зауытының, «Пригородное» элиталық тұқым өсіру шаруашылығының, «Мұғалжар жылқысы» ЖШС және «Родники-агро» ЖШС қызметімен таныстым.

Ақтөбе қаласында ұйымдастырылған ауыл шаруашылығы өнімдерінің көрмесінің жұмысына қатыстым. «Айс» ЖШС тауарлы-сүт фермасын кеңейту, «Милкер» ЖШС алаңдарын суару және «Рад-Агро» ЖШС суармалы егіншілікті қалпына келтіруге бағытталған жобалардың жүзеге асу барысын қадағаладым. Ақтөбе ауыл шаруашылығы тәжірибе станциясы үшін сатып алынған ауыл шаруашылығы техникасының жұмысын нәтижелерін тексердім.

Сонымен қатар, аймақ фермерлерімен кездестім. Диқандарды толғандырған мәселелерді талқыладық. Ауыл шаруашылығы тауарын өндірушілерінің АӨК секторды қаржыландыру жүйесін жетілдіру, ауыл шаруашылығы техникасына қол жетімділікті қамтамасыз ету, орта буын кадрларын даярлау, «Qoldau» ақпараттық жүйесінің жұмысы бойынша ұсыныстарын тыңдадым. Кездесу барысында көтерілген барлық мәселелер бойынша жергілікті фермерлерді тарта отырып, шешу жолдары пысықталды.

• 01.09.2020
• 436