Қазақстан ШЫҰ елдерімен бірлесіп сауда рәсімдерін жеңілдету

Қазақстан Республикасы Сауда және интеграция министрлігінің Вице-министрі Жанель Кушукова ШЫҰ-ға мүше мемлекеттердің саудасын жеңілдету жөніндегі арнайы жұмыс тобының отырысына төрағалық етті.

Жанель Кушукова сауда рәсімдерін оңайлату тетігі тауарлардың нарыққа қолжетімділігі үшін уақытты қысқартуда маңызды рөл атқаратынын, оның ішінде шекарада кедендік рәсімдердің ашықтығын қамтамасыз ететінін, бұл сайып келгенде ШЫҰ елдері арасындағы тауар айналымының ұлғаюына ықпал ететінін атап өтті.

«2021 жылы 8 ай ішінде Қазақстан мен ШЫҰ елдері арасындағы тауар айналымы 31,6 млрд. АҚШ долл. құрады. Бұл өткен жылдың сәйкес кезеңімен салыстырғанда 16,7% - ға жоғары» - деп хабарлады вице-министр.

Сондай-ақ, Ж.Кушукова Қазақстан негізінен ШЫҰ елдеріне мұнай (2,1 млрд. АҚШ долл.), мыс (1,5 млрд. АҚШ долл.), Болат (1,2 млрд. АҚШ долл.), табиғи газ (1 млрд. АҚШ долл.) және ауыл шаруашылығы өнімдері, мысалы бидай (679,1 млн. АҚШ долл.) сияқты тауарлардың экспортталатынын хабарлады.

Отырыс барысында сарапшылар ШЫҰ-ға мүше мемлекеттердің сауда рәсімдерін жеңілдету тетігін іске асыру жөніндегі ең үздік тәжірибелерін атап өтті. Өз кезегінде, ДСҰ, ЮНКТАД және ГИЗ сияқты халықаралық ұйымдардың сарапшылары осы мәселе бойынша өз қорытындыларын ұсынды.

ШЫҰ-ға мүше мемлекеттердің өкілдері мен халықаралық ұйымдардың өкілдері ШЫҰ шеңберінде сауда рәсімдерін жеңілдету бойынша атқарылған жұмыста Қазақстанның жетістіктерін атап өтті, сондай-ақ ШЫҰ шеңберінде өңірлік интеграцияны ұлғайту мақсатында сауда рәсімдерін оңайлату тетіктерін қолдану бойынша талқылау және тәжірибе алмасу үшін алаң ұйымдастырғаны үшін алғыс білдірді.

Кездесу қорытындысы бойынша тараптар аталған алаң халықаралық сауда рәсімдерін жеңілдету мәселелерінде елдер арасындағы одан әрі жемісті ынтымақтастық пен тәжірибе алмасу үшін негіз болады деген пікір білдірді.

• 17.11.2021
• 72