Бақыт Сұлтанов Бельгияда келіссөздер жүргізуде

ҚР Сауда және интеграция министрі Бақыт Сұлтанов Дүниежүзілік кеден ұйымының Бас хатшысы Кунио Микуриямен келіссөздер жүргізді.

Тараптар Қазақстанның ДКҰ-мен ынтымақтастығын тереңдету перспективасының ағымдағы жай-күйін, сондай-ақ қараша айының соңына жоспарланған ДСҰ-ның 12-ші Министрлік конференциясына дайындық барысын талқылады.

Бақыт Сұлтанов МК-12 күн тәртібіндегі тақырыптардың бірі ДСҰ-ның COVID-19 пандемиясына қарсы шаралары болып табылатынын атап өтті. Олардың қатарында қоғамдық денсаулық сақтау дағдарысы кезінде сауда саясатының шараларын тиімді қолдану да бар.

ДКҰ Бас хатшысы Қазақстандық министрді ұйымның жеткізілімдердің сауда тізбегінің үздіксіздігін қамтамасыз етудің халықаралық стандартын әзірлеуі туралы хабардар етті, сондай-ақ аса маңызды дәрілік заттар мен вакциналардың трансшекаралық орын ауыстыруын жеңілдету бөлігінде "COVID-19" - ға қарсы күрес жөніндегі іс-шаралар жоспарын бекітті.

Тараптар контрафактілік және жалған вакциналардың заңсыз орын ауыстыруының жолын кесу бойынша қажетті бірлескен шараларды қабылдау мен әзірлеудің маңыздылығын атап өтті. Қазақстан мен ДКҰ арасындағы ынтымақтастық осы бағытта перспективалы болып табылатынын атап өтті.

Сондай-ақ, тараптар "Шығыс-Батыс" бағытындағы транзиттік әлеует мәселелерін талқылады. Атап айтқанда, Қытайдың "Белдеу және жол" жаһандық жобасының бір бөлігі ретінде Транскаспий халықаралық көлік бағыты туралы сөз болды.

Министр Қазақстанның барлық серіктестермен, оның ішінде ДКҰ-мен өзара тиімді ынтымақтастықты дамытуды жалғастыруға дайындығын растады. Тараптар, сондай-ақ, Орталық Азия өңірінің трансшекаралық саудасын арттыру мүмкіндіктерін талқылады.

• 17.11.2021
• 248