Қадағалау қызметінің қорытындылары туралы

Бүгін Бас прокуратура алқасының кеңейтілген отырысында 2021 жылдың жұмысын қорытындыладық.

Өткен кезеңде қылмыстың алдын алуға, қылмыстық-құқықтық саладағы реформаларды ілгерілетуге, сондай-ақ азаматтардың және бизнестің проблемаларын шешуге назар аударылды.

Үш буынды модельдің алғашқы кезеңін енгізу қылмыстық процестің сотқа дейінгі сатысында құқық қорғаушылық кедергілерін орнатуға мүмкіндік берді.

Нәтижесінде, жыл басынан бері тергеу органдарының 328 мың қаулысының тек 286 мыңы ғана заңды деп танылды, қалғандары келісілмеді немесе пысықтауға жіберілді.

Әлеуметтік-экономикалық салада дағдарысқа қарсы шараларды жүзеге асыру, жерді ұтымды пайдалану, азаматтарды дәрі-дәрмекпен қамтамасыз ету, қоршаған ортаны қорғау, балалардың құқықтарын қорғау және басқа да өзекті бағыттар бойынша нәтижелі жұмыстар жүргізілді.

Мысал ретінде, прокурорлардың қадағалау актілері бойынша 4,8 млрд. теңгеге 880 мың гектар жер қайтарылды, 1027 бизнесті заңсыз тексеру жойылды. Мемлекеттік санитарлық дәрігерлердің негізсіз шектеулері бар 60 қаулысы өзгертіліп, заңға сәйкестендірілді.

Соңында барлық деңгейдегі прокурорларға Мемлекет басшысының алаяқтыққа, қаржы пирамидаларына, балаларға қарсы жыныстық қылмыстарға және есірткі саудасына қарсы іс-қимылды күшейту жөніндегі тапсырмаларының сапалы орындалуын қамтамасыз етуді тапсырдым.

Сондай-ақ, алдағы жылға арналған басым міндеттерді белгіледім. Бұл құқық үстемдігін қамтамасыз ету, азаматтардың конституциялық құқықтарын қорғау, қылмысқа қарсы іс-қимыл жасау және халықтың сенім арту деңгейін арттыру.

• 18.11.2021
• 614