Құқық қорғау органдарына қызметке қабылдау туралы

Осы жылдың басынан бастап прокуратура, қаржы мониторингі және сыбайлас жемқорлыққа қарсы қызмет органдарына қызметке қабылдаудың жаңа тәртібі іске қосылды.

Кандидаттар құқық қорғау қызметіне орналасу үшін Бас прокуратура жанындағы Құқық қорғау органдары академиясында міндетті түрде алғашқы кәсіби даярлықтан өтуі қажет.

Енді кандидаттарды оқытамыз, оларды әлеуетті құрылымдар бөлімшелерінде тағылымдамадан өткіземіз, соның нәтижесінде дайын мамандар аламыз.

Кадрларды іріктеудің бұл жүйесі Мемлекет басшысының тапсырмасы бойынша енгізілді.

Бұған дейін әрбір орган өзінің кадр резервін дербес қалыптастырғанын атап өтемін.

Биылғы жылы прокуратура органдары мен экономикалық тергеу қызметіне алғашқы кәсіби даярлыққа 2 іріктеу жүргізілді.

Экономикалық тергеу қызметінің түрлі лауазымдарына 19 қызметкер жұмысқа орналастырылды. Ағымдағы жылдың желтоқсан айында 149 прокурор шығаруды жоспарлап отырмыз.

2021 жылдың қыркүйегінде үшінші жиын жарияланды. 600-ден астам өтініш қабылданды. Жақында қабылдау емтихандары басталады.

Мұндай үлгі құқық қорғау жүйесінің кадрлық әлеуетін жақсартуға мүмкіндік беретініне сенімдімін.

• 19.11.2021
• 325