Атырау мұнай өңдеу зауытынын жұмысымен таныстым

Атырау облысына жұмыс сапары кезінде Атырау мұнай өңдеу зауытына (АМӨЗ) бардым. 

Қазір АМӨЗ-де ағын суларды тазалау құрылғыларының модернизациясын, механикалық тазалау ғимараттарының, ағын сулардың ашық тоғандарының реконструкциясын, “Тухлая балка” булану алаңының рекультивациясын жүзеге асыруға бағытталған «Тазалық» жобасы қолға алынған.

Зауыт басшылығының ақпаратына сәйкес, механикалық тазарту ғимараттарының реконструкциясы 2021 жылы аяқталады. Қалған жұмыстар 2023 жылы өз мерзімдерінде бітеді.

Бұл жұмысты сапалы әрі тезірек жасау керек. Аймақтағы экологиялық жағдай мен атыраулықтардың өмір сапасы осыған тікелей байланысты. Жобаны уақытылы және сапалы орындау қажет.

АМӨЗ-де сонымен бірге Экология министрлігінің тапсырмасына сәйкес датчиктердегі ауаның ластануы жөніндегі ақпаратты қаладағы ЛЭД-экрандарға шығарып отыру бойынша жұмыстар басталған.

Еске салсақ, қазір Экология, геология және табиғи ресурстар министрлігі Атырау облысындағы экологиялық проблемаларды шешу үшін аймақтың қоғам өкілдерімен бірге Жол картасын дайындап жатыр. Жақында аталған құжатқа қол қойылып, жергілікті органдар жүзеге асыруға кіріседі

• 09.09.2020
• 366