Рысқұлов-Қонаев жолайрығы

Рысқұлов-Қонаев жолайрығының соңғы бөлігі көлік қозғалысы үшін ашылды. Бүгіннен бастап барлық бағыттар бойынша көліктерге жол ашық.

Қаламыз үшін бұл жоба аса үлкен маңызға ие. Магистралдың тәуліктік көлік өткізу қабілеті 60 мыңнан 140 мың көлікке дейін артады.

Жоба бойынша нысан құрылысы екі жыл мерзімде атқарылуы тиіс болатын. Автожолдың қаладағы негізгі көлік желісі екенін ескере отырып және құрылыстың созылуы тұрғындар үшін қолайсыздықтармен жалғасатынын назарға алып, жобаны бір жыл ішінде аяқтауға бар күш-жігерімізді жұмсадық.

Еліміз үшін маңызды тарихи кезең – Тәуелсіздігіміздің 30 жылдығы қарсаңында нысанның негізгі бөлігін аяқтап, іске қостық. Абаттандыру, жаяу жүргіншілер жолын салу жұмыстары көктемге дейін толығымен аяқталатын болады.

Қаламызда көлік инфрақұрылымын дамытуға арналған жұмыстарымыз мұнымен аяқталмайды. Қаламыз өсіп, қанатын кеңге жайып келеді. Халық өсімін ескере отырып, көлік қозғалыстарын тиімді ұйымдастырудың жолдарын бүгінен бастап ойластыруымыз қажет. Транспорттық кептелістердің алдын алуда жаңа жолайрықтар салынатын болады. Жүзеге асқан бүгінгі жоба – осы жұмыстарымыздың бастамасы әрі үлгі боларлық жұмыс тәжірибесі деп білемін.

• 02.12.2021
• 330