Қазақстан БҰҰОАЭАБ қағидаттарын сауданы дамытуда іске асыру туралы ақпарат берді

Ағымдағы жылдың 16 қарашасында Ташкент қаласында (Өзбекстан Республикасы) БҰҰОАЭАБ (Біріккен Ұлттар Ұйымының Орталық Азия экономикаларына арналған арнайы бағдарламасы) жұмыс тобының сауда жөніндегі он алтыншы сессиясы өтті. Бұл бағдарламаға Орталық Азияның барлық елдері қатысады.

БҰҰОАЭАБ елдерінің экономикалық форумы (Әзірбайжан, Ауғанстан, Қазақстан, Қырғызстан, Тәжікстан, Түрікменстан және Өзбекстан) 2021 жылы өңірдегі тұрақты сауда мен көлікті дамытудағы прогреске арналған.

Отырыс шеңберінде ТДМ-на қол жеткізу жөніндегі ұлттық және салалық стратегияларға БҰҰОАЭАБ-ның Тұрақты сауда қағидаттарын имплементациялау мәселесі және оларды іске асыру барысы талқыланды.

«QazTrade» АҚ Бас директорының орынбасары Нұрлан Құлбатыров, Қазақстан өңірдегі алғашқылардың бірі болып БҰҰОАЭАБ қағидаттарына сәйкестігін бағалағанын атап өтті.

Атап айтқанда, БҰҰОАЭАБ-ның бірінші принципін атап өту керек – «ТДМ-на қол жеткізу үшін ұлттық және салалық стратегияларға сауданы қосу, сондай-ақ сауданы дамыту стратегиясына тиісті ТДМ-ын қосу».

Мәселен, Қазақстан биылғы жылы мемлекеттік жоспарлау жүйесін реформалау шеңберінде ҮБК құжаттарының барлық иерархиясы ТДМ қағидаттарына сәйкес келуі тиіс деп қаулы етті.

Нұрлан Құлбатыров БҰҰОАЭАБ-ның тұрақты саудасының жиырма қағидатына жүргізілген талдау қорытындысы бойынша сарапшылар бүгінгі таңда Қазақстан белгілеген қағидаттардың көпшілігін толық көлемде орындап, ұлттық деңгейде имплементациялады деген қорытындыға келгенін атап өтті.

Сонымен қатар, отырысқа қатысушыларға БҰҰ АТМЭӘК сарапшыларының қолдауымен «QazTrade» АҚ орындайтын трансшекаралық қағазсыз саудаға дайындықты бағалау бойынша БҰҰ АТМЭӘК жобасының Қазақстанда іске асырылуы туралы ақпарат ұсынылды.

• 03.12.2021
• 305