Өңірлік экспорттық кеңесте Алматы экспорты талқыланды

Алматыда Қазақстан Республикасы Сауда және интеграция вице-министрі Қайрат Төребаевтың төрағалығымен мегаполис бизнесінің қатысуымен Өңірлік экспорт кеңесі өтті. Кеңестің күн тәртібінде экспорттаушылардың мақсатты нарықтарының ағымдағы жай-күйі мен кеңейту жоспарлары, экспортты сыртқы нарыққа жылжытудағы кедергілер, сондай-ақ экспорттық белсенділікті ынталандыруға және экспорттық әлеуетті арттыруға бағытталған жаңа өнімдерді талқыланды.

2021 жылдың тоғыз айының қорытындысы бойынша Алматыда өңделген өнеркәсіп экспорты 1,6 млрд долларды құрады, бұл былтырғы жылдың осы кезеңмен салыстырғанда 33%-ға жоғары (2020 жылы – 1,2 млрд доллар).

Кеңеске қатысушылар экспорттаушылардың мемлекеттік қолдау құралдарын пайдалануда іскерлік белсенділігінің өсуін атап өтті.

Осылайша, биылғы жылы алматылық 35 компания экспорттаушыларға арналған Экспортты жеделдету -Экспорттық акселерация бағдарламасының және Alibaba.com сайтында «Gold Supplier» мәртебесін иеленді (Экспортты жеделдету бағдарламасы аясында 23 компания іріктелді, 12 компания «Gold Supplier» мәртебесінің иегерлері атанды). Жоғарыда аталған қаржылық және қаржылық емес қолдау құралдарының операторы ҚР МТИ еншілес компаниясы – «QazTrade» АҚ болып табылады.

2021 жылдың 10 айында 14 кәсіпорын логистикаға және өз өнімдерін шетелде ілгерілетуге бұрын бөлінген шығындарының бір бөлігін, шамамен 500 миллион теңгені өтеуге рұқсат алды.

Вице-министр Қайрат Төребаевтың айтуынша, Қазақстанның шет елдердегі елшіліктері үшін арнайы әзірленген елдің экспорттық стратегиялары да отандық тауарлардың шикізаттық емес экспортын дамытуға түрткі болады.

Сауда-экономикалық миссияларды өткізуге ерекше рөл берілген. Ағымдағы уақытқа дейін олардың саны 9 болды.

ҚР МТИ «QazTrade» АҚ жобаларды әзірлеу департаментінің директоры Айбек Сағынаев қазақстандық экспорттаушыларға шетелдегі сауда-экономикалық миссиялардың қатысушысы болу ғана емес, сонымен қатар салалық көрмелерге қатысу мүмкіндігі берілгенін айтты. «Сонымен бірге мемлекет бизнестің аталған іс-шараларға қатысу шығындарының бір бөлігін өтейді. Әрине, өтемақы төлеу ережелерінде көзделген құжаттардың толық пакетін ұсыну қажет», - деп түсіндірді Сағынаев.

Вице-министр Қ.Қ. Төребаевтың Алматыға жұмыс сапары барысында бірқатар экспорттаушы компанияларды да аралады. Олардың қатарында Hyundai автокөліктерін шығаратын толық циклді зауыт, дезинфекциялық құралдар, тұрмыстық химия және косметика шығаратын «Аврора Холдинг», «Бижан» ет комбинаты, «Алматы ауыр машина жасау зауыты» кәсіпорындары, Алматы қаласының Индустриалды аймағындағы Еуразиялық энергетикалық кешен кәсіпорындары бар.

• 03.12.2021
• 360