Қазақстан мен Өзбекстан екіжақты ынтымақтастық жөніндегі Үкіметаралық комиссияның 19-шы отырысын өткізді

Түркістанда Қазақстан мен Өзбекстанның өңіраралық ынтымақтастығының III форумы алаңында екіжақты ынтымақтастық жөніндегі Үкіметаралық комиссияның отырысы өтті.

Тараптар сауда, өнеркәсіп, көлік саласындағы өзара іс-қимылды тереңдету мәселелерін, сондай-ақ инвестициялар, ауыл шаруашылығы, мәдениет, білім, ғарыш және т. б. мәселелерді егжей-тегжейлі талқылады.

Осылайша, әлеуетті экспорттық тауарлар тізбелерімен алмасу және өзбек тарапының 2020 жылғы 1 қаңтардан бастап акциздерді алып тастауы елдер арасындағы тауар айналымының өсуіне оң әсер еткені атап өтілді. Атап айтқанда, әлеуетті экспорттық тауарлар тізбесінің 64 атауынан ($327,6 млн.) ағымдағы жылдың басынан бері қазақстандық экспорттың 65,6% - ға немесе $141,7 млн. - ға өсуі байқалады, ал акциздерді алып тастаудың арқасында бұрын акцизге түскен қазақстандық тауарлардың экспорты 2 есеге жуық өсті.

Тараптар өзара сауда-экономикалық миссияларды ұйымдастыру арқылы бизнес-топтардың тікелей байланыстарын жолға қоюдың тиімділігін атап өтті.

Жалпы, ағымдағы жылдың 9 айының қорытындысы өзара сауда көрсеткіштерінің оң серпінін көрсетті. Мәселен, ағымдағы жылдың қаңтар-қыркүйек айларында өзара сауда өткен жылдың ұқсас кезеңімен салыстырғанда 28,5% - ға өсіп, $2,9 млрд ($2,2 млрд) құрады. Экспорт 30,1% - ға өсіп, $2 млрд құрады, Импорт 24,3% - ға өсіп, $0,8 млрд құрады.

Екі елдің сауда өзара іс-қимылын кеңейтуге және Қазақстан мен Өзбекстан Президенттері белгілеген екіжақты саудадағы $10 млрд. индикаторға қол жеткізуге екі елде КТО дамыту жобаларын іске асыру, сондай-ақ олардың Еуразиялық тауар өткізу жүйесіне интеграциялануы да ықпал ететін болады. Тараптар екі ел аумағында кейбір ауыл шаруашылығы дақылдарын өсіру бойынша бірлескен жобаларды іске асыру туралы ұсыныстармен алмасты.

"Агроэкспресс" жобасының толыққанды жұмыс істеу мәселелерін пысықтау үшін Қазақстан-Өзбекстан-Ресей (жобалық кеңсесі) үшжақты жұмыс тобын құру туралы шешім тағы бір уағдаластық болды. Оның ішінде сертификаттау жүйелері, кедендік мәселелер, жүктерді бүкіл жол бойында шоғырландыру және тарату.

Экономикалық өзара іс-қимылды тереңдетуге, сондай-ақ, Халықаралық өнеркәсіптік кооперация орталығының (ХӨКО) жобасы қызмет ететін болады.

ҮАК отырысында тараптар жоба тұжырымдамасының назарын сауда-логистикадан таза өнеркәсіптік кооперацияға ауыстыруды талқылады.

ҚР Сауда және интеграция министрі Бақыт Сұлтанов хабарлағандай, "бұл бірлескен жоғары маржиналдық өніммен үшінші елдердің нарықтарына шығуға мүмкіндік береді, сондай-ақ екі жақты тауар айналымына қосымша серпін береді

• 03.12.2021
• 206