Еуроодақ өкілдерімен кездесу туралы

2021 жылғы 2-3 желтоқсан аралығында Бас прокуратурада Адам құқықтары жөніндегі диалог пен «Қазақстан Республикасы-Еуропалық Одақ» құқық тәртібі және сот төрелігі жөніндегі кіші комитетінің онлайн отырыстары өтті.

Еуропалық әріптестермен пенитенциарлық жүйенің қызметі, сондай-ақ ұсталғандар мен сотталғандарды азаптаудың және оларға қатыгездікпен қараудың алдын алу мәселелерін талқыладық, ұлттық алдын алу тетігінің іске асырылу барысымен таныстық.

Азаматтық қоғамды, әйелдер мен балалардың құқықтарын, сөз және діни сенім бостандығын дамыту туралы пікір алмастық.

Сот-құқықтық реформа, қылмыстық және азаматтық істер бойынша Қазақстан мен Еуропалық Одақ елдері арасындағы ынтымақтастық, көші-қон, терроризм мен сыбайлас жемқорлыққа қарсы күрес мәселелерін қарадық.

Сондай-ақ мәжілістерде қылмысқа қарсы бірлескен күресті құқықтық реттеу үшін қылмыстық сот ісін жүргізу саласындағы Еуропа Кеңесінің конвенцияларына қосылу туралы Қазақстанның бастамасы талқыланды.

Шетелдік дипломаттардың өздерін қызықтырған сұрақтарына толық жауап бердік.

Қорытындысы бойынша екі тарап жүргізіліп жатқан жұмыстар мен реформаларға қанағаттанушылық білдірді, одан әрі өзара іс-қимыл бойынша бірлескен қадамдарды белгіледік, сондай-ақ тиісті хаттамаға қол қойдық.

• 04.12.2021
• 374