Қоғамдық кеңес мүшелерімен кездесу

Қоғамдық кеңес мүшелерімен, қоғамдық ұйымдар мен ҮЕҰ өкілдерімен кездесу өткіздім. Кездесу республиканың барлық өңірлерін қамти отырып онлайн режимінде өтті, оған азаматтық сектордың 150-ге жуық өкілі қатысты. Кездесу қатысушыларына Министрлік қызметінің бағыттары бойынша жүргізіліп жатқан жұмыстар туралы айтып, қоғам белсенділерінің қызықтырған сұрақтарына 3 сағат бойы жауап берілді. 23 адам қоғамдық тыңдаулар өткізу, өңірлердегі экологиялық проблемалар, атап айтқанда, Теміртау, Атырау және Ақтөбе қалаларындағы атмосфералық ауа мен су ресурстарының ластануы, қоқыс жағатын зауыттар салу, Жайық өзенінің таяздануы, аңшылық шаруашылықтарын дамыту және т.б. мәселелерге қатысты 60-тан астам сауалдар қойды.Кездесу қорытындысы бойынша вице-министрлер мен құрылымдық бөлімшелердің басшыларына жоғарыда аталған мәселелер бойынша жұртшылықтың ұсыныстарын қарау және оларды жұмыс топтарында шешу жолдарын бірлесіп талқылау туралы нақты тапсырмалар берілді. Айта кету керек, мұндай кездесулер пайдалы, олар бізге кемшіліктерді анықтауға, проблемалық мәселелерді шешуге көмектеседі және жалпы мемлекеттік органның жұмысын сапалы жаңа деңгейге көтереді.

• 06.12.2021
• 387