Прокуратура күнімен

Ел Тәуелсіздігінің 30 жылы ішінде прокуратура органдары азаматтардың, қоғам мен мемлекеттің құқықтарын әрдайым қорғап тұрды.

Кеңестік жүйеден шыққан прокуратура қысқа уақыт ішінде егемен Қазақстанның дамуы мен қалыптасуында өз орнын таба алды, сондай-ақ қадағалау органдарының халықаралық қоғамдастығымен тең құқылы қарым-қатынас құра алды.

Қазақстан Республикасында жүргізілген конституциялық реформалар прокуратураның қазіргі қолданыстағы жүйесі үшін нормативтік құқықтық негіз қалыптастыруға мүмкіндік берді.

Бүгінде қадағалау ведомствосының рөлі қоғам өмірінің барлық салаларында байқалады.

Әлеуметтік конфликтілерді шешу, заңдылықтың бұзылуын анықтау және оған ден қою, бұзылған құқықтарды қалпына келтіру арқылы прокурорлар халыққа нақты және түсінікті қызмет атқарады.

Бүгінгі таңда прокурорлық қадағалау азаматтар мен бизнес проблемаларын тиімді шешуге, елімізде заңның үстемдігін қамтамасыз ету мақсатында цифрлық технологияларды қолдануды кеңейтуге бағытталған.

Ұрпақтардың ажырамас байланысы, құқықтық тәртіп пен заңдылық идеяларына бейілділік прокуратура қызметкерлерінің бойында ерекше сипат - табандылық, адалдық, принциптілік және іске кәсіби көзқарастарын қалыптастырды.

Біздің ардагерлеріміздің баға жетпес үлесінің арқасында прокурорлық қадағалау жұмысы жетілдіріліп, заңдылық пен әділеттілік қағидаттары нығайтылды.

Әрине, біз сөзсіз олардың істерін жалғастырамыз.

Прокурорлардың кәсібилігі, табандылығы мен жоғары адами қасиеттері барлық қойылған міндеттерді абыроймен шешуге мүмкіндік беретініне сенімдімін.

Кәсіби мереке күні барлық ардагерлер мен әріптестерімізге мықты денсаулық, отбасыларыңызға амандық пен келісім, Отанымыздың өркендеуі үшін жасампаз еңбекте үлкен табыстар тілеймін.

• 06.12.2021
• 235