Өзбекстан Республикасымен Шартқа қол қою туралы

Бүгін Қазақстан мен Өзбекстан Президенттерінің ресми кездесуі шеңберінде Өзбекстан Республикасының Сыртқы істер министрі Абдулазиз Камиловпен Бас бостандығынан айыруға сотталған адамдарды жазасын одан әрі өтеу үшін беру туралы шартқа қол қойдық.

Бұл құжат Қазақстан азаматтарына Өзбекстанда қылмыс жасағаны үшін бас бостандығынан айыруға сотталған жағдайда шетел соты тағайындаған жазасын өз елінде өтеуге мүмкіндік береді. Дәл осындай құқықты Өзбекстан азаматтары да пайдалана алады.

Қазіргі уақытта Қазақстан Республикасында Өзбекстанның 502 азаматы, ал Өзбекстанда 32 қазақстандық бас бостандығынан айыру жазасын өтеуде.

Өзбекстан Қазақстанмен қылмысқа қарсы күрес, құқықтық тәртіпті қамтамасыз ету, сондай-ақ азаматтардың негізгі құқықтары мен мүдделерін қорғау саласындағы құқықтық ынтымақтастықтың барлық қажетті халықаралық-құқықтық негіздерін қалыптастырған тағы бір мемлекет болды.

• 06.12.2021
• 276