Президенттік резерв туралы

Құқық қорғау органдары академиясы туралы тақырыптың жалғасы ретінде оған Президенттік резервте тұрған құқық қорғау органдары басшыларының біліктілігін арттыру бойынша ерекше функция жүктелгенін атап өткім келеді. Оны жоғары оқу орнының өзіндік «визит карточкасы» деп айтуға болады.

Елімізде тиімді және кәсіби мемлекеттік аппаратты қалыптастыру Тұңғыш Президент - Елбасы Нұрсұлтан Назарбаев бастамашылық еткен бағдарламалық құжат – «100 нақты қадам» Ұлт жоспарын іске асыру шеңберінде жүзеге асырылады.

Әлеуетті органдардың басшы буынын даярлаудың жаңа нысаны құқық қорғау органдарының кәсіби өзегін сапалы нығайтуға бағытталған бірегей мемлекеттік жоба болып табылады. Оның негізінде - ЭЫДҰ елдерінің озық білім беру тәжірибелері жатыр.

Бұл қызметкерлер үшін басшылық лауазымға тағайындалудың міндетті шарты мамандандырылған оқу орнында біліктілігін арттыру болып табылады.

Президенттік резерв бағдарламасы бес жыл бұрын басталды. Осы уақыт ішінде бай оқу тәжірибесі жинақталды, болашақ басқарушылардың кәсіби деңгейін арттырудың пәрменді жүйесі құрылды.

Оқуға негізгі және жауапты басшы лауазымдарға орналасу үшін іріктеудің ерекше тәртібінен өткен қызметкерлер жіберіледі.

Оқу процесін сапалы ғылыми және әдістемелік қамтамасыз ету, инновациялық білім беру технологиялары мен оқыту әдістемесі болашақ басқарушыларды жоғары тиімділікпен дайындауға мүмкіндік беретінін атап өткен жөн.

Мұның бәрі айқын нәтиже береді. Бұл басшылар жұмысындағы ескірген стереотиптер мен шаблондарды жою, жаңа ойлау тәсіліне және ұжымды басқару сапасына көшу.

Бүгінгі күні резервте тұрған 100-ден астам қызметкер президенттік курстан өтті.

Президенттік резерв мектебінен өткен басшылар алған білімдерін күнделікті практикада табысты қолдануда, өз жұмысын ұйымдастыруда прогрессивті тәсілдерді белсенді енгізуде.

Жұмыс жалғасатын болады.

• 09.12.2021
• 245