Рақымшылық туралы

Ағымдағы жылғы 7 желтоқсанда Мемлекет басшысы «Қазақстан Республикасы Тәуелсіздігінің отыз жылдығына байланысты рақымшылық жасау туралы» Заңға қол қойды, ол 8 желтоқсанда «Егемен Қазақстан» басылымында жарияланғаннан кейін заңды күшіне енді.

Қазақстан Тәуелсіздік алған сәттен бастап бұл тоғызыншы рақымшылық екенін атап өтемін. Оны жүзеге асыруға 6 ай бөлінген.

Заң бірінші кезекте азаматтардың әлеуметтік осал санаттарының: кәмелетке толмағандардың, балалары бар әйелдердің, жүкті әйелдердің, мүгедектердің, қарт адамдардың және т. б. жағдайын жақсартады.

Ол 14 мыңнан астам сотталған адамға қатысты  қолданылады, оның ішінде 1 мыңға жуығы бас бостандығынан айыру орындарынан босатылады, 3,8 мың азамат пробация қызметінің есебінен шығарылады, 9 мыңға жуығының жаза мерзімі қысқартылады.

5 мыңға жуық қылмыстық іс тергеу сатысында және сотта тоқтатылатын болады.

Прокуратура органдарының міндеті қылмыстық жазаны орындайтын ведомстволардың материалдарды сотқа уақтылы жіберілуін қамтамасыз ету, сондай-ақ қылмыстық қудалау органдары мен соттардың рақымшылық жасауды қолдануы кезінде заңдылықты қадағалау болып табылады.

• 09.12.2021
• 308