ШЫМКЕНТТЕ ЖҰМАТ ШАНИНГЕ ЕСКЕРТКІШ АШЫЛДЫ

Шымкент қаласында ҚР Тәуелсіздігінің 30 жылдығы қарсаңында қазақ театрының тұңғыш режиссері Жұмат Шанинге арналған ескерткіш ашылды. Ұлттың ұлы тұлғаларына құрмет көрсету перзенттік парыз.

Шымкент театры Жұмат Шанин есімін 1972 жылы иеленді. Араға 50 жыл салып, театр алдына қайраткердің еңселі ескерткіші тұғырға қонды. Қазақ театр өнерінің ұстазы болған тұлғаның ғибратты ғұмыры мен мол мұрасы – халқымыздың асыл қазынасы. Жұмат Шанинге құрмет көрсету арқылы біз мәдениет қайраткерлеріне құрмет көрсетеміз. Ұлт тарихындағы алғашқы кәсіби театр маманының өмірлік танымы – өскелең ұрпақтың бой түзер бағыты болатынына сенімдімін. Баршаңызды Шымкенттің мәдени өміріндегі ерекше сәтпен құттықтаймын!

• 10.12.2021
• 216