Қазақстан қағазсыз трансшекаралық саудаға көшуді көздеп отыр

Нұрсұлтанда трансшекаралық қағазсыз саудаға көшу бойынша Қазақстан Республикасының дайындығының алдын ала қорытындыларымен таныстырды.

Шараны QazTrade Біріккен Ұлттар Ұйымының Азия мен Тынық мұхитқа арналған Экономикалық және әлеуметтік комиссиясымен (АТМЭӘК) ынтымақтастық кезінде ұйымдастырды. Кездесуге мемлекеттік органдар, сыртқы экономикалық қызметке қатысушылар және халықаралық сарапшылар қатысты.

«QazTrade» АҚ Бас директоры Азамат Асқарұлы атап өткендей, «пандемия кезеңі барлық бизнес процестерді цифрландырудың және электрондық трансшекаралық саудаға жедел көшудің қаншалықты маңызды екенін көрсетті».  Бұл ретте дәстүрлі қағаз құжат айналымын электрондық форматқа ауыстыру «сауда рәсімдерін жеделдетуге, бизнес жүргізу шығындарын азайтуға және экспорттық түсімді ұлғайтуға ықпал етеді, бұл елдің экономикалық дамуына оң әсерін тигізеді».

АТМЭӘК ынтымақтастығы кезінде және Сауда және интеграция министрлігінің қолдауы кезінде Қазақстан Республикасының трансшекаралық қағазсыз саудаға көшу бойынша дайындығын бағалау бойынша зерттеу 2021 жылғы тамызда басталды.

Зерттеудің мақсаты Қазақстанның трансшекаралық қағазсыз саудаға техникалық және құқықтық дайындығын бағалау, бар олқылықтарды анықтау, осындай олқылықтарды жою және трансшекаралық қағазсыз саудаға көшу бойынша ұсынымдар мен Жол картасын әзірлеу болып табылады.

Трансшекаралық қағазсыз саудаға ҚР-ның техникалық және заңдық дайындығын бағалау бойынша Қазақстанның Ұлттық баяндамасына қалыптастырылған зерттеу қорытындылары, ұсынымдар мен Жол картасы АТМЭӘК-тің ресми сайтында жарияланатын болады.

QazTrade атап өткендей, Қазақстанды халықаралық сауда жүйесіне интеграциялау сауда процестеріне жаңа технологияларды немесе стандарттарды енгізуді талап етеді. Сонымен бірге, жеткізу тізбегіне қатысушылардың жұмысындағы жағымсыз әсерлерді жою және бұзушылықтарды болдырмау үшін біртіндеп көшу тетіктерін әзірлеу қажет.

«АТМЭӘК-тің Азия-Тынық мұхиты өңіріндегі елдер экономикаларының трансшекаралық қағазсыз саудасына дайындығын бағалау бойынша зерттеуін орындау Қазақстанның трансшекаралық қағазсыз саудаға техникалық және заңдық дайындығына баға беруге және трансгранттық сауда рәсімдерін жеңілдету бойынша ұсынымдар мен нақты жоспар қалыптастыруға мүмкіндік береді», - деп түсіндірді «QazTrade» АҚ Бас директорының орынбасары Нұрлан Құлбатыров.

Анықтамалық:

АТМЭӘК – бұл Азия мен Тынық мұхиты елдерін дамыту мақсатында құрылған БҰҰ өңірлік ұйымы. Ұйымның құрамына 53 мүше кіреді, оның ішінде Қазақстан да бар. АТМЭӘК макроэкономикалық саясат және даму, сауда және инвестициялар, сондай-ақ көлік сияқты салалардағы өңірлік ынтымақтастыққа баса назар аударды.

АТМЭӘК Азия-Тынық мұхит өңіріндегі трансшекаралық қағазсыз сауданы дамыту үшін өз мүшелерін белсенді түрде ілгерілетеді және оларға қолдау көрсетеді. АТМЭӘК зерттеулері Азия-Тынық мұхиты өңірі ауқымында трансшекаралық қағазсыз саудаға көшу жылына $257 млрд.-тан астам сомаға экспорттық түсімнің өсуіне алып келуі мүмкін екенін көрсетті. Экспортқа қажет уақыт 40%-дан астамға, ал шығындар 30%-ға қысқаруы мүмкін.

Қазақстан ДСҰ-ға мүше бола отырып, ДСҰ-ның Сауда рәсімдерін жеңілдету жөніндегі келісімінің (бұдан әрі - СРЖК) және БҰҰ-ның Сауда рәсімдерін цифрлық және тұрақты жеңілдету жөніндегі Жаһандық шолуының Тарапы болды.  Келісім транспаренттілік, айқындылық және ашықтық, қағидалар қолданылуының тұрақтылығы, сыртқы экономикалық қызметке қатысушылардың құқықтары мен заңды мүдделерін қорғау, кедендік формальдылықтарды жеделдету, құжаттамаға қойылатын талаптарды қысқарту, транзиттің оңайлатылған рәсімдері, кедендік ынтымақтастық және т. б. сияқты сауданы жеңілдету жөніндегі шараларды қарастырады.

БҰҰ-ның Сауда рәсімдерін цифрлық және тұрақты жеңілдету жөніндегі Жаһандық баяндамасына сәйкес, Қазақстан 2017-2021 жылдар кезеңінде сауда рәсімдерін жеңілдету жөніндегі шараларды іске асыруда айтарлықтай нәтижелерге қол жеткізді.

Сауда рәсімдерін жеңілдету бойынша ұсынылған шараларды іске асыру бойынша Қазақстан (72,04%) Азия-Тынық мұхиты өңірі бойынша орташа көрсеткіштен (65,85%) сәл жоғары, сондай-ақ Солтүстік және Орталық Азиядағы іске асыру деңгейінен (71,37%) жоғары деңгейге ие.

ДСҰ СРЖК-нің мынадай көрсеткіштері бойынша барынша ілгерілеуге қол жеткізілді: «Әйелдердің сауда рәсімдерін жеңілдетужегі мүдделері», «Ауыл шаруашылығы өнімін сату рәсімдерін жеңілдету», «ШОК үшін сауда рәсімдерін жеңілдету», «Трансшекаралық қағазсыз сауда» және «Қағазсыз сауда».

• 13.12.2021
• 299