«QazTrade» АҚ Қызылорда облысының өңірлік экспорттық кеңесінің отырысын өткізді

Қызылорда облысында Өңірлік экспорттық кеңестің отырысы өтті. Өңір кәсіпкерлерінің экспорттаушыларын қолдау жөніндегі мемлекеттік бағдарламалар туралы Сауда және интеграция министрлігі мен «QazTrade» АҚ, сондай-ақ «KazakhExport» ЭСК» АҚ өкілдері және облыс әкімінің орынбасары Нұрлан Тілешев хабардар етті.

Өңірлік экспорттық кеңестің жұмысына облыстың тиісті басқармаларының, департаменттері мен кәсіпкерлер палатасының басшылары да тартылды.

Ағымдағы жылдың 9 айында шикізаттық емес экспорт көлемінің (92,3 млн. АҚШ долл.) 2020 жылдың ұқсас кезеңімен салыстырғанда 87,2% өсім көрсетті.

Өңірдің ең белсенді экспорттаушы компаниялары: «Абзал и К» ТС, «Абай-Даулет» ЖШС, «Жан-Арай» ЖШС, «Най-Мир» ЖШС, «Байдала» ЖШС, «Аралтұз» АҚ, «РЗА-Агро» ЖШС, «СЗЦ Арал» ЖШС, «Т.Игілік» ЖК, «Гежуба Шиелі Цемент Компаниясы» ЖШС, «Қызылорда балық ӘКК» ЖШС, «Көшекбаев» ЖК.

Бизнесмендерге Үкіметтің импортты алмастыратын өндірістерді дамыту және өңдеу өнеркәсібі экспортының өсуін қамтамасыз ету жөніндегі жұмысы туралы ақпарат берілді. «Қазақстанда шикізаттық емес экспорттың өсуін ынталандыру мақсатында экспорттаушыларды қолдаудың оқытудан бастап келісімшарттық сақтандыруға дейінгі 20-дан астам түрлі құралдары бар. Мемлекеттік қолдау алуды жеңілдету үшін бизнес барлық қызметтерді цифрлық форматқа көшіру жұмыстарын жүргізуде. Бұл дегеніміз, бұл көмекке өтініш беру және оған қажетті барлық құжаттарды ұсыну үшін Бизнестің уақыты мен ақшасы үнемделеді. Бұдан басқа, Қазақстан трансшекаралық сауданы цифрландыру бойынша белсенді жұмыс істеуде. Шекаралас елдермен сауда жүргізудің қағазсыз форматына көшу бизнес-процестерді айтарлықтай жеңілдетіп қана қоймай, кәсіпкерлердің шығындарын да азайтады. Өзбекстанмен ұзақ шекарасы бар біздің облыстың кәсіпкерлері үшін бұл өте маңызды», - деп «QazTrade» АҚ Жобаларды дамыту департаментінің директоры Айбек Сағынаев атап өтті.

Өңір кәсіпкерлеріне экспорттаушылар үшін «бірынғый терезе» мүмкіндіктері ұсынылды және мемлекеттік қолдау шаралары (экспорт бойынша шығындардың бір бөлігін өтеу, экспорттық акселерация бағдарламасы, халықаралық электрондық платформаларға шығару, сервистік қолдау шаралары) туралы айтып берді.

Бүгінгі таңда Қызылорда облысының экспорттаушылары экспорт саласында мемлекеттік қолдаудың түрлі тетіктерін белсенді қолданады - деп Айбек Сағынаев атап өтті.

Ағымдағы жылы «Абай Дәулет» ЖШС және «Абзал және Компания» Толық Серіктестігі экспорттық акселерация бағдарламасына іріктеліп алынды, аталған компанияларға Alibaba.com платформада «Gold Supplier» мәртебесі бар аккаунттар ұсынылды.  «Аралтұз» АҚ мен «Абзал және Компания» Толық Серіктестігі шетелдегі сауда-экономикалық миссиялардың қатысушылары болып табылады.

Сонымен қатар, «KazakhExport» ЭСК» АҚ өкілдері өңір экспорттаушыларына мемлекеттік қолдау шараларымен таныстырды.

Өңірлік экспорттық кеңес отырысын қорытындылай, Қызылорда облысы әкімінің орынбасары Нұрлан Тілешев өңірдегі бизнес өкілдерін «QazTrade» АҚ мен «KazakhExport» ЭСК» АҚ-ның барлық құралдары мен тетіктерін белсенді қолдануға шақырды.

• 13.12.2021
• 227