Өз денсаулығым өз қолымда

Құрметті жерлестер!

Биылғы ақпаннан бастап коронавирус індетіне қарсы халықты вакцинациядан өткізудің қарқынды науқаны жүргізілгенін жақсы білесіздер. Нәтижесінде 560 мыңнан астам тұрғын вакцинаның екі компонентін алып, қаламыздағы эпидахуал біршама жақсарды. Соңғы үш айдан бері Шымкенттің жасыл аймақта тұрғандығы соның айғағы.

Дегенмен, дерттің таралуы баяулағанмен, оның жұғу қауіпі толығымен сейілген жоқ. Әлемде індеттің төртінші толқыны жүруде, жағдай күрделеніп бара жатқанының куәсі болудамыз. Инфекциядан қорғану жүйесін арттырудың жалғыз жолы – ол ревакцинация. Бүгінге дейін қала халқының 12 мыңнан астамы ковидке қарсы үшінші кезеңдік екпесін алды.

Өз денсаулығым өз қолымда деген ұстанымды басшылыққа ала отырып, вакцинацияның үшінші кезеңіне қатыстым. Баршаңызды қоғамдық иммунитетті күшейту науқанына белсене қатысып, қалыпты өмірімізге тезірек қадам басуымызға үлес қосуға шақырамын.

• 21.12.2021
• 290