QazTrade Ресеймен экспортты ілгерілету саласында, оның ішінде e-com арналары арқылы ынтымақтастықты тереңдетеді

20 желтоқсанда Қазақстан Республикасының Премьер-Министрі Асқар Маминнің Ресей Федерациясына жұмыс сапары аясында қазақстандық экспортты ілгерілету операторы «QazTrade» АҚ Ресей Экспорт Орталығы мен ресейлік «Озон» ірі маркетплейс арасындағы ынтымақтастық туралы меморандумдарға қол қойды.

«QazTrade» АҚ мен «Ресей Экспорттық Орталығы» АҚ арасындағы өзара түсіністік пен ынтымақтастық туралы меморандумға QazTrade бас директоры Азамат Асқарұлы мен РЭО бас директоры Вероника Никишина қол қойды.

Осы құжат Қазақстан мен Ресей Федерациясының шикізаттық емес экспортын үшінші елдердің нарықтарына жан-жақты дамыту және ілгерілету бойынша екі ұйымның ынтымақтастығын қамтамасыз етеді. Сондай-ақ тараптар екі елдің нарықтарында әлеуетті контрагенттерді іздеуге және шекаралас аймақтардағы ынтымақтастықты тереңдетуге, соның ішінде жаңа жобаларға өзара инвестиция тартуға келісті. Сонымен қатар, QazTrade мен РЭО электрондық коммерция секторының экожүйесін дамытуда ынтымақтасады.

OZON маркетплейспен ынтымақтастық туралы меморандум осы платформаға жаңа қазақстандық экспорттаушыларды тартуға жәрдемдесуді көздейді. Бұған дейін OZON Ресей аумағында заңды тұлғаны тіркеу қажеттілігіне қатысты шектеуді алып тастаған болатын. Енді компания Қазақстан нарығындағы өкілдігін, оның ішінде логистикалық инфрақұрылымды дамыту арқылы нығайтуды жоспарлап отыр. Қазіргі уақытта Нұр-Сұлтан қаласында тапсырыстарды орындау орталығын (сұрыптау орталығы мен қойма) құруға инвестиция тарту қарастырылуда, болашақта республика бойынша логистикалық желіні кеңейту жоспарлануда.

Осы орайда, 2020-2021 жылдардағы негізгі әлемдік трендтердің бірі электронды сату арналарын дамыту болғанын айтуға қажет. Сонымен қатар Қазақстан Alibaba халықаралық нарығына компанияларды шығару арқылы әлемге B2B саудасын жолға қойды, жиынтық сатылымдар 125 миллион АҚШ долларын құрады.

Анықтама үшін: Ресей ЕАЭО-да ғана емес, бүкіл әлемде Қазақстанның негізгі сауда серіктестері арасында бірінші орынды сақтап қалды.

2016-2020 жылдарға арналған Қазақстаннан шикізаттық емес өнеркәсібі экспортының үлесі өңдеуші өнеркәсіптің жалпы айналымының 19,3%-ын құрайды.

Қазақстан Республикасының Ресейге тауар экспорты 4,9 млрд АҚШ долларын құрады, оның ішінде өңделген тауарлар экспорты – 2,7 млрд АҚШ долларын құрады. Қазақстанның Ресейге экспорты 10 салада шоғырланған. Негізгі металдар мен металл рудалары шамамен 32,9%-ды құрады.

Ресейден Қазақстанға жеткізілім құрылымында машиналар, жабдықтар мен көліктер, металдар, химиялық өнімдер, каучук, тамақ өнімдері және т.б. басым.

Қазақстанның Ресейге өңделген өнімдерін экспорттайтын негізгі аймақтары Қарағанды, Павлодар, Түркістан, Шығыс Қазақстан облыстары мен Нұр-Сұлтан мен Алматы қалалары болып табылады. Басқа өңірлердің экспорты жалпы көлемнің 3,6%-дан азын құрады.

• 22.12.2021
• 442