Қазақстан мен Башқұртстан өзара сауда ынтымақтастығы туралы меморандумдарға қол қойды

2021 жылғы 18 желтоқсанда Халықаралық бизнес апталығы-2021 шеңберінде Уфада Қазақстан Республикасының Премьер-Министрі А.Ұ. Мамин мен Башқұртстан Республикасының Басшысы Р.Ф. Хабировтың қатысуымен "Қазақстан-Башқұртстан диалогтан әрекеттерге дейін" сессиясы өтті.

Бизнес форум жұмысына башқұрт тарапынан 45-тен астам компания және 20 қазақстандық компания қатысты.

Іс-шараны делегация басшысының құттықтау сөзімен ашты, одан әрі Башқұртстан Республикасы Премьер-Министрінің бірінші орынбасары - Башқұртстан Республикасының Экономикалық даму және инвестициялық саясат министрі Р.Х. Мұратов және Қазақстан Республикасының Сауда және интеграция министрі Б.Т. Сұлтанов екіжақты ынтымақтастықтың негізгі сәттері мен перспективалары туралы сөз сөйледі.

Министр Б.Т. Сұлтанов өз сөзінде 10 айдың қорытындысы бойынша тауар айналымының қарқынды өсуін атап өтті (32,1% - ға $305,1 млн. дейін).

Өзара сауда номенклатурасын кеңейту, ауыл шаруашылығы, өнеркәсіп, энергетика, көлік, инновациялар және жаңа технологиялар саласындағы ынтымақтастықты дамыту бойынша жүргізіліп жатқан жұмыстар туралы хабардар етті.

Башқұртстан делегациясының Қазақстанға қыркүйек айындағы сапарының қорытындысы бойынша пысықталатын перспективалы бағыттардың бірі-Батыс Қазақстан облысының аумағында, Башқұртстанға тікелей жақын жерде қалыптасатын "Еуразия" трансшекаралық ынтымақтастық жобасы болып табылады.

Сонымен қатар, екі елдің бизнес өкілдері сөз сөйледі.

Іс – шара қорытындысы бойынша екіжақты ынтымақтастықты дамыту жөніндегі 2022-2024 жылдарға арналған Жол картасын іске асыру үшін Қазақстанның Ресейдегі Сауда өкілдігінің және "QazTrade"ССДО АҚ қолдауымен жалпы сомасы $107 млн құрайтын 8 коммерциялық және ведомствоаралық құжатқа қол қойылды.

- "Каустик" АҚ мен "Башқұрт сода компаниясы" АҚ арасындағы Павлодар қаласында химиялық кластер құру жөніндегі келісім $100 млн;

- "Qazaq National Product" КТ мен "ОргНефтеГаз" ЖШҚ арасындағы $5 млн дейінгі сомаға қазақстандық инжинирингтік қызметтер экспорты жөніндегі шарт;

- "Алматы мақта-мата фабрикасы" ЖШС мен "Уфа жұмыс киімі фабрикасы" АҚ арасындағы тоқыма өнімдерін жеткізуге $94 мың сомасына шарт;

- "Қазақстанның Халал индустриясы Қауымдастығы" ЗТБ мен РФ-дағы Ислам бизнесі Халықаралық Қауымдастығы (ИБХҚ) арасындағы келісім - "Халал"өнімін ілгерілету және сертификаттау саласындағы ынтымақтастық;

- $1 млн сомасына "MCC Trade" ЖШС мен "ТД Зур Базар" ЖШҚ арасындағы ҚР-дан маусымдық жеміс-көкөніс өнімдерін жеткізуге арналған шарт;

- Қазақстан стандарттау және метрология институты (Қазстандарт) мен Башқұртстан Республикасының халал индустриясын дамыту орталығы дербес коммерциялық емес ұйымы арасындағы "ынтымақтастық туралы" Меморандум;

- Қазақстан стандарттау және метрология институты (Қазстандарт) мен "Башқұртстан Республикасындағы Стандарттау, метрология және сынақтардың мемлекеттік өңірлік орталығы" федералдық бюджеттік мекемесі ("Башқұртстан Республикасының ЖЖО"ФБҚ)арасындағы "ынтымақтастық туралы" Меморандум;

- "Адал АС Trade" ЖШС мен Башқұртстандағы жетекші ритейлер-Байрам сауда желісі арасында $674 мың сомаға тауар жеткізу шарттарын жасасуға ниет білдіру туралы келісім.

• 22.12.2021
• 291