АШМ басшысы Мемлекет басшысының Жолдау аясындағы тапсырмаларын іске асыру туралы хабардар етті

Қазақстан Республикасы Ауыл шаруашылығы министрі 2021 жылы 23 желтоқсанда ҚР Президенті жанындағы Орталық коммуникациялар қызметінде «Мемлекет Басшысының Жолдау аясында берген тапсырмаларын іске асыру туралы» брифинг өткізді.

Ербол Қарашөкеев Мемлекет басшысы алға қойған агроөнеркәсіптік кешенді одан әрі дамыту жөніндегі міндеттер тұрғысынан ағымдағы кезеңнің бірқатар негізгі және өзекті мәселелерін шешу бойынша жүргізіліп жатқан жұмыстар туралы хабардар етті.

Өз сөзінде министр «Жеке қосалқы шаруашылық туралы» заң туралы, ветеринария жүйесін реформалау және мемлекеттік қолдау шараларын жетілдіру жолдары мәселелерін қозғады.

Жалпы, осы бағытта істеліп жатқан жұмыс саланың ағымдағы жай-күйін талдау мен есепке алуға негізделген, проблемалық мәселелер айқындалып, оларды шешу үшін жаңа тәсілдер мен тетіктер пысықталып жатыр.

Ербол Қарашөкеев атап өткендей, жұмыс барлық мүдделі құрылымдармен, қоғамдық ұйымдармен, бизнес қоғамдастық өкілдерімен тығыз ынтымақтастықта және тұрақты диалогта жүргізіліп жатыр.

Ведомство басшысы «Жеке қосалқы шаруашылық туралы» заң туралы айта келе, бастапқы заң жобасында көрсетілген елді мекендерде ұстауға болатын малдың шекті санын анықтауға мүмкіндік беретін нормаға жеке тоқталды.

«Ол нормативтен тыс мал басын мемлекеттік қолдаудың алдағы көлемдерін болжамдау және жоспарлау мақсатында енгізілген болатын. Алайда, талқылау барысында жұртшылықтың пікірін ескере отырып, бұл норма алынып тасталды», - деп атап өтті Ербол Қарашөкеев.  

Брифингтің регламентіне сәйкес министрдің баяндамасынан кейін журналистер тарапынан тиісті сұрақтар қойылды. БАҚ өкілдері көтерген тақырыптардың қатарында субсидиялау жүйесін реформалау, құрғақшылықтың салдары,  ЖҚШ туралы заң, АӨК дамыту жөніндегі Ұлттық жоспар, шағын және орта кәсіпорындарға субсидиялардың қолжетімділігі, ауыл шаруашылығы жануарларын бірдейлендіру жөніндегі "Жасыл дәліз", ауыл шаруашылығы жерлеріне киіктердің әсері, мал азығын дайындау, ет пен картопты шығаруға тыйым салуды енгізу және тағы да басқа маңызды мәселелер болды. Ауыл шаруашылығы министрі Е.Қарашөкеев барлық қойылған сұрақтарға толық әрі мазмұнды жауап берді.

• 27.12.2021
• 272