Еркін сауда аймағы: Сауда министрлігі 2021 жылдың қорытындысын шығарды

Еуразиялық экономикалық одақ құрылған сәттен бастап Вьетнаммен (2016 жылғы 5 қазанда күшіне енді) және Сербиямен (2021 жылғы 10 шілдеде күшіне енді) еркін сауда туралы бірқатар келісімдер, сондай-ақ Иранмен (2019 жылғы 27 қазанда күшіне енді) уақытша келісім (үш жылға) жасалды. Сингапурмен келісімге қол қойылды, бірақ әлі күшіне енген жоқ (2019 жылғы 1 қазанда қол қойылды).

Сондай-ақ, бүгінде Мысырмен еркін сауда туралы келісім жасасу бойынша келіссөздер жүргізілуде және Иранмен толық форматты келісім жасасу бойынша келіссөздер процесі басталды.

Жоғарыда аталған елдермен келісімдер жасасу нәтижесінде сауданы ұлғайту әлеуеті 400 млн. АҚШ долл. құрады (Мысырмен - 291,6 млн. АҚШ долл., Иранмен-126,3 млн. АҚШ долл.). Мұндай тауарларға жалпақ илек, алюминий, аллюминий оксиді, ферросиликомарганец, шойын, қорытпалар, полипропилен, орташа және ауыр дистилляттар жатады.

Ағымдағы жылы Мысырмен және Иранмен келіссөздердің бір раунды, сондай-ақ Мысыр тарапымен 2 сессияаралық кездесу және Иран тарапымен 2 техникалық консультация өткізілді.

Бұдан басқа, 2020 жылғы қыркүйектен бастап Бірлескен зерттеу топтары Индонезия мен Моңғолиямен еркін сауда туралы келісімдер жасасудың орындылығын зерттеуде.

Индонезиямен сауданы арттыру әлеуеті 525,6 млн. АҚШ долл., Моңғолиямен 24 млн.АҚШ долларын құрады. Әлеуетті экспорттық тауарлар: феррохром, легирленбеген алюминий, аллюминий оксиді, тегіс илек, орташа және ауыр дистилляттар.

Мұндай келісімдерді жасасу қазақстандық тауар өндірушілерге тауарларды жаңа нарықтарға нөлденген немесе төмендетілген кедендік баждар бойынша жеткізуге мүмкіндік береді, бұл экспортталатын өнімнің өзіндік құнын елеулі дәрежеде төмендетеді және қазақстандық өнімнің сыртқы нарықтардағы бәсекеге қабілеттілігін арттыруға ықпал етеді.

• 27.12.2021
• 148