Сауда министрлігі ДСҰ-ның 12-Министрлік конференциясының өтетін күні туралы айтылды

Транспаренттілікті қамтамасыз ету бойынша ДСҰ-ға мүшелік шеңберіндегі міндеттемелерге сәйкес Қазақстан тұрақты негізде ДСҰ-ға тауарлар мен қызметтер саудасына ықпал ететін жаңа шараларды қабылдау немесе қолданыстағыларын өзгерту туралы хабарлама жібереді.

2021 жылдың басынан бері ДСҰ хатшылығына ішкі нарықты қорғау шаралары, сауда рәсімдерін жеңілдету, санитарлық және фитосанитарлық шаралар, саудадағы техникалық кедергілер және басқа да мәселелер бойынша 43 нотификация әзірленіп, жіберілді.

Сондай-ақ, Қазақстан ДСҰ мүшелерінің жаңа бастамаларына қосылды:

- БҰҰ Дүниежүзілік азық-түлік бағдарламасы шеңберінде азық-түлік өнімдеріне экспорттық шектеулер енгізуден бас тарту;

- Апелляция туралы көпжақты уақытша келісім;

- Сауда және экологиялық тұрақтылық туралы хабарлама;

- ДСҰ-ның пластмассамен ластануы және оның экологиялық тұрақты саудасы жөніндегі бейресми диалогы;

- COVID-19 және тек қана емес: сауда және денсаулық;

- Зияткерлік меншік құқықтары жөніндегі келісімге өзгерістер енгізу туралы хаттама.

ДСҰ-ның 12-ші министрлік конференциясын ұйымдастыру бойынша жұмыс жүргізілді.

Сонымен қатар, 2021 жылғы 27 қарашада ДСҰ Бас директоры Нгози Оконджо-Ивеала Швейцария Конфедерациясының аумағына кіру бойынша карантиндік талаптарды қатайтуға байланысты қалыптасқан төтенше жағдайға байланысты ДСҰ-ның 12-ші министрлік конференциясын (МК-12) өткізу күнінің кезекті ауысуын шұғыл түрде жариялады.

МК-12 өткізудің болжамды күні - 2022 жылғы 12 наурыз.

• 27.12.2021
• 224