2021 жылғы ҚР экспортының алдын ала қорытындылары

2021 жылғы қаңтар-қазанда шикізаттық емес тауарлар мен көрсетілетін қызметтердің экспорты 19,9 млрд АҚШ долларын құрады.

Мәселен, ағымдағы жылдың 10 айының қорытындысы бойынша өңделген өнім экспорты 15,9 млрд.АҚШ долларын құрап, өткен жылмен салыстырғанда 28,3% - ға өсті. Қызметтер экспорты 4 млрд.АҚШ долларын құрайды.

Өңделген өнімді өткізудің топ-3 нарығына дәстүрлі түрде мыналар кіреді:

- Қытай (3,7 млрд.АҚШ долл., 2020 жылғы ұқсас кезеңнен 0,3% - ға төмен);

- Ресей (3,1 млрд.АҚШ долл., 2020 жылғы ұқсас кезеңнен 47,7% - ға жоғары.);

- Өзбекстан (1,3 млрд.АҚШ долл.құрады, 2020 жылдың ұқсас кезеңінен 59,1% - ға жоғары).

2021 жылы алғаш рет Пәкістан, Таиланд, Филиппин, Мексика елдеріне экспорттық жеткізілімдер жүзеге асырылды.

Көп жағдайда оң көрсеткіштер көрсетілетін мемлекеттік қолдау шараларына байланысты.

Мәселен, ағымдағы жылы QazTrade желісі бойынша қаржылық емес қолдау шараларын металлургия, машина жасау, тамақ химия және құрылыс өнеркәсібі салаларындағы 412 кәсіпорын алды.

Аталған кәсіпорындар сервистік шаралар, экспорттық акселерация, Alibaba.com-ға шығару сияқты қолдау шараларын алды.

Осы шараларды пайдалану есебінен жиынтық түсім шамамен 500 млн. АҚШ долларын құрды.  Жүзеге асырылған келісімшарттық міндеттемелер есебінен бюджетке салық аударымдары түрінде 43,8 млрд. теңге түседі.

Экспортқа жұмсалған шығындардың бір бөлігін алған компаниялар өздеріне 1,6 млрд. АҚШ доллары сомасына қарсы міндеттемелер қабылдады.

10 ай ішінде өнімнің жаңа түрлері: мақта-мата, картон және қағаз, аммиак, былғары және парашюттер экспорты жүзеге асырылды.

Сондай-ақ KazakhExport желісі бойынша экспортты қаржылық ынталандыру шаралары көрсетілді.

10 айда қабылданған сақтандыру міндеттемелерінің сомасы 184,9 млрд.теңгені, саудалық қаржыландыру сомасы 15,2 млрд. теңгені, ал экспорт алдындағы қаржыландыру сомасы 14,7 млрд. теңгені құрады.

Мәселен, ағымдағы жылы қолдау алған экспортқа бағдарланған ірі жобалар қатарында Қостанай қаласындағы қуаты жылына 37,2 мың шойын құймасын құрайтын "Камаз"  ЖАҚ жобасы бар. Сондай-ақ, экспортқа бағғдарланған жоба Татнефть-мен Сарань қаласында шина өндіру бойынша бірлескен жоба болып табылады (қуаттылығы жылына 3354 дана). Бұл жобалар шикізаттық емес экспорт көлемін қосымша өсіруге мүмкіндік береді.

Жылдың қорытындысы бойынша өңделген өнім экспорты 25 млрд.АҚШ доллары деңгейінде күтілуде.

• 28.12.2021
• 262