Өтініштермен жұмыс жасау туралы

Өздеріңіз білетіндей, қоғаммен «кері байланыстың» басты құралы азаматтардың өтініштерін қарау болып табылады.

Жүгіну құқығы - заңдылықтың бұзылуын  жоюдың және  алдын алудың, сондай-ақ адамның және  азаматтың құқықтары мен заңды мүдделерін қорғаудың  пәрменді құралдарының бірі.

Биыл прокуратура органдарына 225 мыңнан астам өтініш келіп түсті.

Атап айтқанда, 84 мыңнан астамы сотқа дейнігі іс жүргізудің заңдылығы мәселесіне, 52 мыңы – әлеуметтік-экономикалық салаға, 28 мыңы – құқықтық статистикаға, 19 мыңы -  қылмыстық, азаматтық және әкімшілік істер жөніндегі сот актілерінің заңдылығына, 13 мыңы – жазаларды орындауға, 29 мыңы – өзге де мәселелерге қатысты болды.

Нәтижесінде,  43 мыңнан астам өтініш қанағаттандырылды, соның ішінде сотқа дейінгі тергеп-тексеру саласында – 19 мыңнан астам, қоғамдық мүдделерді қорғау бойынша – 1, 7 мыңнан астам, қылмыстық істер жөніндегі сот актілерінің заңдылығы бойынша – 387 өтініш қанағаттандырылды.

«Цифрлық Қазақстан» бағдарламасының шеңберінде өтініштерді берудің қолданыстағы барлық арналарын біріктірген «Е-өтініш» бірыңғай ақпараттық-талдау жүйесі әзірленді және  жұмыс істейді.

Азаматтар үшін қолайлы сервис жасауға  баса назар аударылды.

Ендігі олар өз өтініштерінің қаралу барысы туралы кеңейтілген ақпаратты алып, оған берілген жауаптарға бағасын бере алады.

Аталған жүйе мемлекеттік органдардың аудандық буындарына және ауылдық округтердің әкімдіктеріне дейін енгізілді. Бұл тұрғындарға электрондық өтініштерін жеткізу уақытын бірнеше минутқа дейін қысқарта отырып, тікелей адресатқа беруіне, жауаптар алуға, сондай-ақ өздері көтерген мәселелерді  шешу нәтижелері туралы өзге де ақпарат алуға мүмкіндік береді.

• 31.12.2021
• 584