ҚР Еңбек және халықты әлеуметтік қорғау министрі Біржан Нұрымбетовтің қазақстандықтарды Еңбек күнімен құттықтауы

Құрметті отандастар, сіздерді Еңбек күнімен құттықтаймын! Бұл мереке халқымыздың экономикалық және әлеуметтік саладағы жетістіктеріне арналған. Аталған мейрам қыркүйек айының әр соңғы жексенбісінде атап өтіледі және қазақстандықтардың еңбекке деген құрметінің, олардың әрқайсысының өз ісінде кәсіби маман болуға деген ұмтылысының белгісі саналады.

Ағымдағы жыл түрлі оқиғаларға толы әрі күрделі болып тұр: коронавирус инфекциясы пандемиясы әр азаматтың барлық өмір саласына әсер етті. Осы кезеңде қалыптасқан еңбек қатынастары мен институттарын сақтау үшін қолдау және қосымша жағдай жасау бұрынғыдан да маңыздылығын аңғартуда.

Сондықтан мен өз салаларын алға жетелейтін, кәсібиліктің бағзыдан келе жатқан берік ұстанымдарын бұлжытпай сақтай отырып, барлық салаға шығармашылық және оңтайландыру алып келетін, осылайша жұмыста жаңа жағдай мен тың тәсіл қалыптастыратын жас мамандарға шын жүректен алғыс айтқым келеді.

Адал еңбегімен еліміздің экономикасының қалыптасуы мен дамуына негіз қалаған аға буынның - өз ісінің нағыз мамандарының қосқан үлесін де дәл осылай атап өткім келеді. Сіздер  жастарға тәлімгерлік дәстүрді табыстап, ұрпақтар сабақтастығын сақтап келесіздер. Өз бойларыңыздағы ең бай кәсіби және адамгершілік тәжірибелеріңізді жастарды еңбекке, жұмысшы мамандықтарына және өз Отанына сүйіспеншілікке тәрбиелеу арқылы табыстаудасыздар.

Мемлекет басшысы Қасым-Жомарт Тоқаев өзінің Қазақстан халқына Жолдауында нақты міндет қойды – қазіргі заман жағдайында әлеуметтік-экономикалық тұрақтылықты, халықтың жұмыспен қамтылуын және кірісін сақтау қажет.

Біз мақсатқа жетуде тиімділікті арттыруға, азаматтарымыздың әл-ауқатын одан әрі көтеруге бағытталған шаралардың тиімділігін сақтауға барынша күш салуымыз керек.

Әр отандасыма сүйікті кәсібін, өзін-өзі тану мүмкіндігін және жұмысының нәтижесінен ләззат алу мүмкіндігін тілеймін. Лайым ұжымдарыңызда өзара сыйластық пен кәсіби шеберлікке негізделген жылы қарым-қатынас өрби берсін!

• 25.09.2020
• 493