Сауда және интеграция министрлігі мен Алматы әуежайы мультимодальді жүк хабын құратын болады

2020 жылғы 15 қыркүйекте Сауда және интеграция министрі Бақыт Сұлтанов Отандық тауар өндірушілерді қолдау және экспортты дамыту жөніндегі жұмыс тобының қызметі шеңберінде «TAV Group» инвесторлар консорциумы және Kazakhstan Infrastructure Fund C.V. Қорының өкілдерімен кездесті.

Тараптар Алматы қаласы әуежайының терминалдық мүмкіндіктерін кеңейту мәселелерін талқылады, консорциумның «Алматы халықаралық әуежайы» АҚ-ның 100% үлесін сатып алу процесі алдағы айларда аяқталуы тиіс.

Бақыт Сұлтанов «Алматы әуежайы өңірдің тыныс-тіршілігінде де, Қазақстанның саудасын дамытуда да маңызды объекті болып табылатынын» атап өтті. Министр инвесторлар Алматының сауда-логистикалық хабын дамытуға серпін беретініне сенім білдірді.

«TAV Kazakhstan» Бас директоры – «TAV Airports Holding» бизнесті дамыту жөніндегі басқарушы директоры Фатих Омур мырза Бақыт Сұлтановқа мәмілені өткізу жұмыстары туралы баяндады. Ол сондай-ақ консорциумның «Алматы халықаралық әуежайы» АҚ аумағында мультимодальдық жүк хабын құру жоспары туралы хабарлады. «Біз бұл жобаға мүдделіміз. Оны іске асыруға әлемнің түрлі елдерінің әуежайларында осындай хабтар құруға маманданған еншілес бөлімшемізді қосамыз», - деп хабарлады Омур мырза.

Бақыт Сұлтанов өз тарапынан инвесторларды ҚР Ұлттық тауар өткізу жүйесін құру және экспортты ілгерілету жұмыстарының барысы туралы хабардар етті. Ол ҰТЖ аясында Алматыда қазақстандық тауарлардың ҚХР және Оңтүстік-Шығыс Азия елдерінің нарықтарына шығуына ықпал ететін ірі ритейл-хаб құру жоспарланғанын айтты. «Өзара тиімді жоба бірлескен дамуға - әуежайдың өзіне мүмкіндік беріп, экспортты қолдау жөніндегі СИМ міндеттерін іске асыра алады», - деді Министр.

Әуежай менеджменті, өз кезегінде, тауарлар мен әуе қызметтерінің экспортын арттыру бағытында жұмыс істейтін барлық қолданыстағы алаңдар шеңберінде бірлескен жұмысты бастауға практикалық дайындығы туралы мәлімдеді.

Тараптар карго-жобаларды іске асыру шеңберінде тығыз ынтымақтастық орнатуға уағдаласты.

Бақыт Сұлтанов Ұлттық инвесторлар кеңесінің құрамына кіретін Отандық тауар өндірушілерді қолдау және экспортты дамыту жөніндегі жұмыс тобын басқарады.

• 28.09.2020
• 358