Шымкент – «қызыл» аймақта

Шымкентте болған жаппай тәртіпсіздік кезінде 7 медицина қызметінің көлігіне бұзақылар шабуыл жасады. Оның алтауы жедел жәрдем қызметіне қарасты болса, біреуі емханаға қарасты мобильді топтың көлігі. Көліктердің терезелері сынып, түрлі деңгейде нұқсан келген. Бүлінген көліктерді тез арада жөндеп, қайта бағытқа шығаруды тапсырдым. Қалған 100-ден аса жедел жәрдем бригадасы мен 200-ден аса мобильді топ күшейтілген тәртіпте жұмыс жасауда. Себебі қазір қалада эпидемиологилық ахуал өте күрделі. Шымкент – «қызыл» аймақта. Соңғы бір тәуліктің ішінде 320 адамнан коронавирус анықталды. Жан сақтау бөілімінде 14 адам ем алуда. Жыл басынан бері өкінішке орай 7 науқас қайтыс болды.

Елімізде омикрон штамы анықталуы және оның тез таралуы эпидахуалдың күрт өршуіне алып келді. Мамандардың айтуынша, барлық жастағы адамдар бұл инфекцияға бейім. Сондай-ақ дельтаға қарағанда жұқпалығы жоғары.

Бүгінде вирусты жеңудің жалғыз жолы – вакцина. Қалада халықты коронавирусқа қарсы иммундау жалғасып жатыр. Азаматтарды вакцинаның толық курсын алуға, ревакциналануға шақырамын. Қарапайым сақтық шараларын сақтауды да ұмытпаңыздар.

• 14.01.2022
• 184