Тұтынушылардың құқықтарын қорғау комитеті төрағасының орынбасары болып Әбжаппаров Алмас Әбдімүтәліпұлы тағайындалды

Қазақстан Республикасы Сауда және интеграция министрлігінің Жауапты хатшысының 2020 жылғы 14 қыркүйектегі бұйрығымен Тұтынушылардың құқықтарын қорғау комитеті төрағасының орынбасары лауазымына

Әбжаппаров Алмас Әбдімүтәліпұлы тағайындалды.

Алмас Әбжаппаров 1971 жылы 21 мамырда Алматы облысы Алмалы ауданында дүниеге келген.

1994 жылы Қазақ ұлттық техникалық университетін "электрик инженер" мамандығы бойынша, 1999 жылы Е.А. Бөкетов атындағы Қарағанды мемлекеттік университетін "заңгер"мамандығы бойынша бітірген.

2011 жылы Ресей Федерациясы Президенті жанындағы Ресей халық шаруашылығы және Мемлекеттік қызмет академиясын тәмамдап, экономика ғылымдарының кандидаты дәрежесін алды.

Еңбек жолын 1993 жылы "APBEA Col td"ЖШС бастаған.

Соңғы жылдары Қазақстан Республикасы Қаржы министрлігінің Мемлекеттік кірістер комитеті Батыс Қазақстан облысы бойынша Мемлекеттік кірістер департаментінің басшысы, Батыс Қазақстан облысы әкімінің кеңесшісі,Қазақстан Республикасы Ұлттық экономика министрлігінің Мемлекеттік материалдық резервтер комитеті төрағасының орынбасары қызметтерін атқарды.

• 28.09.2020
• 392