Бүгін қаладағы медициналық ұйымдарды аралап, ірі дәрілік қоймаларының жұмысымен таныстым.

Қалалық модульдік жұқпалы аурулар орталығында жұмыс штаттық режимде жалғасуда. Төсек орындары оттегі нүктелерімен және дәрі-дәрмектермен толық қамтамасыз етілген. Сондай-ақ, жасанды тыныс алу аппараттары, КТ, рентген аппараттары, жалпы жұқтырған науқастарды емдеуге арналған барлық қажетті жабдықтар бар. Аурухана басшылығына  емдеу іс-шараларын ұйымдастырудың тиімділігіне аса назар аударып, жалпы жағдайды қатаң бақылауда ұстауды тапсырдым.
Мамандандырылған инфекциялық стационарда бүгінгі күні барлығы 403 орын бар. Қазіргі уақытта стационарлық бөлімшеде 120 адам, жансақтау бөлімінде 14 науқас жатыр. Реанимациядағы науқастардың жағдайы орташа ауыр. Жалпы, қала бойынша инфекциялық төсек орындардың толымдылығы стационарларда  26%, реанимацияда – 12% құрайды. Эпидемиологиялық жағдай өршіген тұста  төсек орындар саны 5 мыңға дейін жеткізіледі. Бұл үшін медициналық ұйымдарда қажеттінің барлығы дайын.
Сондай-ақ, бөлшек сауда желілеріне жеткізуді жүзеге асыратын дәрілік препараттардың ірі қоймаларына бардым. Қалада барлығы 10 ірі қойма бар, бүгінгі таңда олар 400-ден астам ірі фармацевтикалық компаниялардың өнімдерімен жұмыс істейді, 600-ден астам қалалық дәріхана желілерімен келісімдер жасалды, барлық дәрі-дәрмек қоймаларында екі айлық дәрі-дәрмек қоры жинақталған. Осыған қарамастан, дәрі-дәрмектердің жетіспеушілігін болдырмау мақсатында, инфекция өршіген тұста  ыстықты түсіретін, вирусқа қарсы, симптоматикалық   дәрі-дәрмектердің одан да көп қоры болуының маңыздылығын атап өттім.
Жедел медициналық жәрдем шақыруларын қабылдау бойынша call-орталықта жұмыс әдеттегі режимде жалғасуда. Коронавирустық инфекция белгілері бар қоңыраулардың айтарлықтай көбейгендігі байқалады. Дәрігерлердің айтуынша, соңғы уақытта жүкті әйелдердің қоңырау шалуы көбейді. Бүгінгі таңда, коронавирус инфекциясы анықталған 11 әйел ауруханаға жатқызылды. Осы тұста қала тұрғындарына айтарым, вакцинация және ревакцинацияны уақытылы жасап, қауіпті инфекциядан өзіңізді қорғаңыз.

• 18.01.2022
• 189