Индустриалдық аймақтарды дамыту

Ел Президентінің экономиканы әртараптандыру және импорт алмастыру жөніндегі тапсырмасын орындаудың бірден бір шарты – ол өңірде өндірістің дамуына қолайлы жағдай жасау және индустриалдық аймақтарды дамыту болып табылады.

Шымкент қаласында өткен жылы құрылған «Жұлдыз» индустриялық аймағында 608 жұмыс орнын құрумен жалпы сомасы 5,8 млрд теңгені құрайтын 10 инвестициялық жоба жүзеге асырылуда. Бұл жобаларды осы жылдың соңына дейін іске қосу жоспарлануда.

Жеке инвесторлармен кездесіп, ұсыныстарды тыңдадым.
Қалада құрылып жатқан жаңа индустриялды аймақтардың құрылысы мен жұмыс істеп тұрған аймақтардың көлемін ұлғайту жұмысын жетелдетуді тапсырдым. Инженерлік инфрақұрылым жүйелерін сапалы және қысқа мерзімде аяқтауды тапсырдым. Бұл өте маңызды.

Жалпы ауданы 306 гектарды құрайтын «Жұлдыз» индустриялық аймағында жалпы құны 230 млрд. теңге болатын 50 жобаны жүзеге асыру болжануда. Нәтижесінде 5 мыңнан астам жұмыс орны ашылады деп күтілуде.

• 18.01.2022
• 241