Арман Шаққалиев ҚР СИМ Техникалық реттеу және метрология комитетінің төрағасы қызметінен босатылды

ҚР Сауда және интеграция министрінің бұйрығымен Арман Абайұлы Шаққалиев басқа жұмысқа орналасуына байланысты ҚР Сауда және интеграция министрлігінің Техникалық реттеу және метрология комитетінің төрағасы лауазымынан босатылды. Бұл туралы ҚР Премьер-Министрінің Баспасөз қызметі хабарлайды Арман Шаққалиев 1977 жылы Қарағанды облысында дүниеге келген. Еңбек жолын Астана қаласы және Ақмола облысы бойынша «Кәсіпорындарды қайта ұйымдастыру және тарату агенттігі» ААҚ заң кеңесшісі болып бастаған. Техникалық реттеу жүйесінде 2004 жылдан бастап «Қазақстан метрология институты» РМК директоры ретінде жұмыс істей бастаған. 2008 жылғы маусымнан бастап 2016 жылғы сәуірге дейін «Қазақстан стандарттау және сертификаттау институты» республикалық мемлекеттік кәсіпорнының директоры лауазымын атқарған. 2016 жылғы сәуірде Еуразиялық экономикалық комиссияның Техникалық реттеу және аккредиттеу департаментінің директоры лауазымына тағайындалды.  2018 жылғы шілдеде ҚР Инвестициялар және даму министрлігінің Техникалық реттеу және метрология комитетінің төрағасы болып тағайындалды.  2019 жылғы тамыздан бастап қазіргі таңға дейін ҚР Сауда және интеграция министрлігінің Техникалық реттеу және метрология комитетінің төрағасы болып қызмет етті.

Дереккөз: https://primeminister.kz/kz/hrpolitic/liberations/arman-shakkaliev-kr-sim-tehnikalyk-retteu-zhane-metrologiya-komitetinin-toragasy-kyzmetinen-bosatyldy-2481850

Қолданылған материалдарға міндетті түрде primeminister.kz сайтына гиперсілтеме берілуі тиіс.

• 28.09.2020
• 301