Газ саласы

Былтырғы жылы Шымкентте газ саласына қатысты 3 магистралды және 5 елді мекендегі ішкі орамдық жүйелерінің құрылысы аяқталды. Олар – АГРС-3, Қайнарбұлақ, Азат магистралды газ құбырлары және Алтынтөбе, Бадам 195, Достық (2 кезек), Асар-2, Азат елді мекендері. Нәтижесінде табиғи газбен қамту көрсеткіші 93 %-ға жетті. Қазіргі таңда 81 елді мекеннің 45-нің тұрғындары табиғи газбен толық, 28 елді мекен жартылай қамтылған. Ал «Тұран», «Көкбұлақ», «Ақтас», «Батыс», «Қайнарбұлақ», «Тәуелсіздікке – 20 жыл», «Айкөл» және 276-орам секілді сегіз елдімекен тұрғындары әзірге көгілдір отынсыз отыр. Осы олқылықты жою мақсатында қаламыз үшін ең маңызды, әрі үлкен жоба АГРС-3 құрылысын толық аяқтадық. Қазіргі таңда іске қосып тексеру жұмыстары жүргізілуде. Ескере кететін жәйт аталған жұмыстар ақталғаннан кейін, ішкі орамдық жүйелерінің құрылысы аяқталған абоненттерді қосу жұмыстары жүргізілетін болады.
Қала тұрғындарын табиғи газбен толық қамту мақсатында, 2021 - 2025 жылдары даму жоспарына сәйкес, 2025 жылы қалада газбен қамту көрсеткіші 100 пайызға жетеді.

• 20.01.2022
• 193