«Сәуле» шағынауданы, Әл-Фараби ауданындағы 195-ші және 276-шы орамдардың тұрғындарымен кездестім.

9135 тұрғыны бар «Сәуле» шағынауданы толықтай жарықпен, газбен әрі сапалы ауыз сумен қамтылған.
Көшелерді асфальттау жұмыстары да қарқынды жүргізілуде. Биылдың өзінде 23,1 шақырым жол бөлігі асфальтталса, шағынауданының 7 көшесіне жарықтандыру жүргізілетін болады.
Әл-Фараби ауданындағы 195 және 276 орамдарда сапалы ауыз сумен қамтылған.  276-орамды ағымдағы жылдың 3-тоқсанында 100% электр жарығымен қамтамасыз ету жоспарлануда.  Бұл жұмыстарды жандандыру жөнінде нақты тапсырма бердім, аталған жұмыстардың барлығы белгіленген мерзімнен бұрын аяқталуы тиіс.  АГРС-3 іске қосылғаннан кейін (жылыту маусымы аяқталғаннан кейін) бұл елді мекендерде абоненттерді газға қосу жұмыстары жүргізілетін болады.
Кездесу барысында аудан тұрғындарының бірі жерлерді басып алу мәселесіне шағымданды.  Бұл мәселе бойынша бір апта мерзімде жедел түрде тиісті тексеру жұмыстарын жүргізіп, мәселені жеке бақылауыма алып, заң бұзушылық әрекеттеріне қатысты нақты айғақтар расталған жағдайда тиісті шаралар қолданылатынын атап өттім.
Тұрғындарды толғандырған интернет желісінің сапасын жүйелеу, қоғамдық көлік бағыттарының санын көбейту туралы да  мәселелерді ретке келтіріп, оң шешімін табу бойынша дереу жұмыс жүргізу қажеттігі жөнінде тиісті басқармаларға ескерттім.
Жалпы бүгінгі кездесу қорытындысында барша белсенділік танытқан тұрғындарға алғысымды білдіріп, қаламызды дамытуға бірге атсалысуға шақырамын.

• 21.01.2022
• 275