Аудан тұрғындарымен кездесуім бүгін де жалғасты.

Бір жыл көлемінде Абай ауданында атқарылған жұмыстарды қорытындылап, тұрғындармен тілдестім. Агрофирма-Қарасу шағынауданы электр жарығы, ауыз су жүйелерімен толық қамтамасыз етілді. 9 көшеге шағал тас төселіп, 1 көше жарықтандырылды, 1спорт алаңшасы салынды. Ендігі мәселе - табиғи газ. Биыл бұл мақсатта құрылыс жұмыстарын жүргізу үшін ЖСҚ әзірлеу жоспарымызда бар.

Қазығұрт шағынауданына инфрақұрылым жүйелері толық жүргізілсе, өткен жылы 4 көше жарықтандырылды. Бұл жылы Мақталы, Жұлдыз, Баянауыл көшелерін жарықтандыру, 2 балалар ойын алаңшасын салу, Жастар, Қазына, Алмалы, 1,2,3,4 өткелдерге асфальт төсеу жұмыстарын жүргізу көзделуде.

Жаңа құрылыс аумағын инфрақұрылыммен қамту жұмыстары да қызу жүруде. 282 орамда электр жарығымен және табиғи газбен қамту бойынша ЖСҚ әзірленеді. Қазір 282, 283 орамда ауыз су жүйелерінің құрылысы жүргізілуде. Биыл Жеті жар (1,5 шақырым) және З.Сатқанбайұлы көшесі (900 м) жарықтандырылады. 2021 жылы бюджет есебінен 1 спорт алаңшасы пайдалануға берілсе, 2022 жылы 3 спорт және балалар алаңшасын салу жоспарымызда бар. Сапалы интернетпен қамту мақсатында Жылысай көшесі маңына базалық станция орнатылды.

Бюджет қаржысының әрбір елдімекенге маңызды мәселелер шеңберінде жұмсалатынын түсіндіріп өттім. Жергілікті тұрғындар атқарылған жұмыстардың кемшіл тұстарын да айтты. Кемшілікті қайта қалыпқа келтіру тұрғысында жетекші сала басшыларына тиісті тапсырмалар бердім.

• 24.01.2022
• 260