Тұрғындармен кездесу

Тұрғындармен кездесулер барысында аудан белсенділерінен мәселелерді жан жақты талқылау мақсатында ортақ жиын өткізуге ұсыныс түскен болатын. Осыған байланысты бүгін Қаратау ауданының белсенді азаматтарымен кездесіп, арыз-шағымдарын тыңдадым.

Жиында ауданға қатысты барлық салалар бойынша мәселелер көтерілді. Әрбір белсендінің қозғаған мәселесін мұқият тыңдап, сұрақтарға жеке-жеке жауап беріп, жұмыстар барысын түсіндіріп өттім.

Мектепке барар жолдарды жарықтандыру, суаққы қою мәселесі, Тассай елді мекеніндегі жатақхананы күрделі жөндеуден өткізу бойынша,
Асар-2 шағынауданына бүгінде инфрақұрылым жүйелері, көшелерге атау беру секілді мәселер көтерілді.

Аталған мәселелер кезең-кезеңімен шешімін табатын болады. Инфрақұрылым жүйелерімен қатар, жастарға спорт кешені қажет. Қазіргі таңда жан басына қаржыландыру жүйесін жүргізудеміз. Бұл ретте әлеуметтік-кәсіпкерлік корпорациямен бірлесе елді мекендерге спорт мекемелерін салуға жағдай жасау - міндетімз.

Осындай кездесулер мәселелердің маңызын айқындауда, бірлесе жұмыс атқару үшін қажет. Алдағы уақытта жүйелі кездесулер өткізетін боламыз.

• 24.01.2022
• 234