Білімді жастар - еліміздің жарқын болашағының кепілі.

Алдымыздағы дүйсенбіден бастап қаламыздағы жоғары оқу орындары мен колледждерде оқыту процесі аралас форматта – практикалық, зертханалық, семинар сабақтар, ал өндірістік практикалар - кесте бойынша штаттық режимде жүргізіліп бастаса, 24 қаңтарынан бастап меншік нысанына қарамастан білім алушылар саны 600-ге дейінгі барлық бастауыш, негізгі және жалпы орта білім беретін мектептерде оқыту штаттық форматта жүргізілетін болады.

Соған байланысты, бірқатар білім беру мекемелерінің оффлайн режиміне өту дайындығын тексеріп шықтым.

Олар: «Мирас» шағынауданындағы «AI SCHOOL» жекеменшік орта мектебі, №135 жалпы орта мектеп және Инновациялық-технологиялық колледжі.

Білім алушылар саны 600-ден асатын бастауыш, негізгі және жалпы орта білім беретін мектептерде оқыту бір ауысымда мектептің 50 %-нан аспайтын толымдылықпен штаттық форматта жүргізіледі.
Бұл ретте 1-4 сыныптарда (халықаралық мектептерде 1-6 сыныптарда) оқытуды штаттық форматта ұйымдастыруға басымдық беріледі.
Білім ошақтарында сабақтар келісілген кестеге сәйкес жүргізіліп, санитарлық талаптарды сақтауға толығымен дайын.

Білімді жастар - еліміздің жарқын болашағының кепілі. Сондықтан да карантиндік талаптарды сақтай отырып, білім алу процесін ұтымды ұйымдастыру біздің басты міндетіміз.

• 24.01.2022
• 274