Павлодар облысы: ӘМАТ бағасын тұрақтандыру үшін не істелді

Павлодар облысында әлеуметтік маңызы бар азық-түлік тауарларының бағасын тұрақтандыру мақсатында мынадай шаралар қабылдануда.

Мәселен, өңірде тұрақтандыру қоры жұмыс істейді, онда 1,85 млрд. теңге көзделген, 1,5 млрд. теңге сомасына 7,1 мың тонна өнім сатып алынды (қант — 2602,9 тонна, күріш — 140,4 тонна, 1 — сұрыпты ұн — 2131,1 тонна, күнбағыс майы — 195,9 тонна, қарақұмық жармасы — 111,5 тонна, 1 — сұрыпты ұннан жасалған нан — 18,9 тонна, тұз — 2,3 тонна, макарон — 41,4 тонна, картоп — 1377,1 тонна, сәбіз — 149,8 тонна, пияз — 74,9 тонна, қырыққабат — 60 тонна, айран 2,5% - 30 тонна, сүт 2,5% - 185 тонна).

"Айналым схемасы" аясында қарыз беруге 1,85 млрд. теңге қарастырылған, оның 632 млн. теңгесі шекті нормадан аспайтын бағамен тауарлардың 13 атауын сату үшін жеті кәсіпорынға берілді.

Сондай-ақ, облыстың 33 ауыл шаруашылығы тауарын өндірушілерімен қысқы-көктемгі кезеңде белгіленген бағамен (95 теңге/кг) сату үшін 30 мың тонна картоп және 6 мың тонна сәбіз отырғызу жөнінде меморандум жасалды.

Облыстың төрт ірі сауда желілері (Small, Greenwich, Инмарт, Лидер), өзара ынтымақтастық туралы меморандумдарға қол қойылды, оның шеңберінде желілер картоп пен сәбізді 115 – тен 135 теңгеге дейінгі бағамен (115 - ҚҚС – сыз, 125-ҚҚС-пен, 135-ҚҚС-пен және жеткізу шығындарымен) сатады.

Сонымен қатар, қияр мен қызанақты белгіленген бағамен сату бойынша үш жылыжай кешенімен меморандум жасалды. Қол жеткізілген уағдаластықтардың арқасында "Small", "Greenwich", "Инмарт" дүкендерінде картоп пен сәбізді килограмына 125 теңгеден, қиярды 995 теңгеден, қызанақты 765 теңгеден сатып алуға болады, "әлеуметтік" дүкендерде картоп пен сәбіз 115 теңгеден сатылады.

Меморандумдар шеңберінде облыстың төрт ірі сауда желісі (Small, Greenwich, Инмарт, Лидер) ӘМАТ - ты 15% - дан аспайтын үстеме бағамен, тұрақтандыру қорының өнімін 10% - дан аспайтын үстеме бағамен сатады.

7 сүт кәсіпорындарымен ("Павлодармолоко" ЖШС, "Молком Павлодар" ЖШС, "Сүт" АҚ және т.б.) сүт өнімдерінің бағасын ұстап тұру туралы меморандум және 11 сүт-тауар фермалары жасалды.

Сондай-ақ, өңірдің 91 ауыл шаруашылығы тауарын өндірушілерімен астықтың тұрақтандыру қорын қалыптастыру бойынша меморандум жасалды, олар өз кезегінде үшінші сыныпты бидайды тоннасына 85 мың теңгеден аспайтын бағамен сатуға міндеттенеді, нанның бағасы бір бөлке үшін 95 теңгеден аспайды.

Облыстың нан пісіру кәсіпорындарының бірінші сұрыпты бидай ұнына белгіленген бағамен қажеттілігін қамтамасыз ету бойынша (119 тг/кг) 8 ұн тарту кәсіпорындарымен ("Аслан" ЖШС, "Группа Интер" ЖШС, "Аквамарин" ЖШС, "Ұлан" ФХ, "Агро Даму" ЖШС, "Жан-Дос" ЖШС, "Уразбаев" ШҚ, "Еркен"ШҚ) меморандум жасалды.

Тауық етін ("Қызылжар Құс" ЖШС), тауық жұмыртқасын ("Шарбақты Құс" ЖШС), қарақұмық жармасын ("Grano PV" ЖШС) және күнбағыс майын ("Павлодар агрокешені" ЖШС) өндірушілермен де шығарылатын өнімді төмендетілген бағамен сату үшін меморандумдар жасалды.

Анықтама: тауық еті - 900 тг/кг, тауық жұмыртқасы - 320 тг/ондық, қарақұмық жармасы - 450 тг/кг, күнбағыс майы - 630 тг/л.

• 31.01.2022
• 165