Батыс Қазақстан облысының әлеуметтік маңызы бар азық-түлік тауарларының бағасын тұрақтандыру жөніндегі шаралары

Мемлекет басшысы Қ.К. Тоқаевтың 11.01.2022 ж. Қазақстан Республикасы Парламенті Мәжілісінің отырысында әлеуметтік маңызы бар азық - түлік тауарларының (бұдан әрі - ӘМАТ) бағаларын тұрақтандыру бөлігіндегі тапсырмасына сәйкес Батыс Қазақстан облысының әкімдігі өңірдегі ірі сауда нысандарымен азық-түлік қорларын толықтыру және 2021 жылдың желтоқсан айындағы бағадан өсірмеу бойынша келіссөздер жүргізілді.

Апта ішіндегі баға индексі 100,5%-ды құрады. Картоп (103,9%), сәбіз (101,3%) және қырыққабат (115,4%) бағалары жоғарлауы тіркелді.

Анықтама. Баға өсуінің басты себебі РФ (картоп, сәбіз), Түркия (қырыққабат) және Тәжікстан (қырыққабат) тауарларының өткізу бағасының өсуіне байланысты.

ӘМАТ-қа бағаларды тұрақтандыру үшін «айналым схемасы» тетігі шеңберінде және тұрақтандыру қорына азық-түлік тауарларын сатып алу үшін 1,2 млрд. теңге көзделген. Қазіргі уақытта 7 551 тонна көлемінде азық-түлік тауарларының қоры, оның ішінде 904 тонна 1 сұрыпты ұн бар. Бүгінгі таңда облыста 1 сұрыпты ұннан пісірілген нанның бағасы бір бөлке үшін 80 теңгені құрайды. Қосымша қарақұмық жармасын, күріш, макарон өнімдері, тұз және ақ қанттын бағаларын тұрақтандыруға қарыз беру жоспарлануда.

Бұдан басқа, тұрақтандыру қорын қалыптастыру үшін форвардттық келісім шарт арқылы маусымаралық кезеңде көкөніс өнімдерінің (картоп – 4000 тонна, сәбіз – 500 тонна, қырыққабат – 500 тонна, пияз – 400 тонна) бағасын тұрақтандыру мақсатында 550 млн. теңге қаражат бөлу қарастырылуда.

Бұдан басқа, азық-түлік өнімдерінде азық-түлік қауіпсіздігін қамтамасыз ету мақсатында 1-сұрыпты ұн мен нанға, макарон өнімдері мен өсімдік майына бағаны тұрақтандыру үшін азық-түлік бидайы мен күнбағыс тұқымдарының қоры құрылды.

Бұл шаралар облыс халқының әлеуметтік осал топтарын (170 мың адам) жаңа өнімге дейін қолжетімді бағамен негізгі азық-түлік тауарларымен қамтамасыз етуге мүмкіндік береді.

Жергілікті деңгейде әлеуметтік маңызы бар азық-түлік тауарларының бағасын ұстап тұру үшін бірқатар жедел шаралар қабылдануда:

- күнделікті азық-түлік тауарларының бағасына мониторинг жүргізетін облыс орталығында және барлық аудандарда арнайы мониторингтік топ құрылды;

- әлеуметтік маңызы бар тауарларға бағаны көтерудің негізсіз фактілерінің жолын кесу үшін call-орталық құрылды. Жұмыс басталғаннан бері call-орталығына азық-түлік тауарлары бағасының өсуі туралы барлығы 169 қоңырау келіп түсті (оның ішінде 126 «үй жанындағы дүкен» бағалары бойынша). Бизнес субъектілерінің өтініштерін қарау шеңберінде ӘМАТ-қа сауда үстемесін 15%-ға арттыруға жол бермеу бойынша түсіндіру жұмыстары жүргізілуде;

- тұтынушылардың өтініштері бойынша шағын бизнес субъектілеріне жатпайтын бизнес субъектілеріне қатысты бақылау функциялары жүзеге асырылады. Жалпы а.ж. қаңтар айында 1 әкімшілік бұзушылық анықталып, ескерту жасалды. Сүт өнімдеріне бағаның өсуіне қатысты 1 тексеріс ашылды.

Сондай-ақ, азық-түлік тауарларына бағаның өсуіне себеп болуы мүмкін басқа да бағыттар бойынша жұмыстар жүргізілуде. Атап айтқанда, жалдау ақысының төлемдерін негізсіз арттыру фактілеріне жол бермеу бойынша сауда базарларымен түсіндіру жұмыстары жүргізілді. Осы жұмыстың нәтижесінде базар басшылығы жоспарланған жалдау ақысын өсіруін алып тастау туралы шешім қабылдады.

• 31.01.2022
• 223