ҚР Ауыл шаруашылығы министрі депутаттарға Асыл тұқымды мал шаруашылығы туралы заң жобасын ұсынды

2022 жылы 2 ақпанда Ауыл шаруашылығы министрі Ербол Қарашөкеев Парламент Мәжілісінің жалпы отырысында «Қазақстан Республикасының кейбір заңнамалық актілеріне асыл тұқымды мал шаруашылығы мәселелері бойынша өзгерістер мен толықтырулар енгізу туралы» заң жобасын таныстырды.

Ведомство басшысы хабарлағандай, заң жобасын қабылдаудың мақсаты заңнаманы одан әрі жетілдіру, орын алған қайшылықтар мен олқылықтарды жою болып табылады.

Қазақстан Республикасының асыл тұқымды мал шаруашылығы жүйесі асыл тұқымды мал шаруашылығы саласындағы республикалық палаталармен, асыл тұқымды мал өсіруді жүзеге асыратын жеке және заңды тұлғалармен толықтырылды, олар өкілеттіктерін нақты нақтылап және кеңейтіп, сондай-ақ асыл тұқымды малдың тізілімін жүргізу бойынша құзыреттер берді.

Заң жобасы индекстік бағалау, молекулярлық генетикалық сараптама, жануарларды геномдық бағалау жүргізу қағидаларын әзірлеу және бекіту саласындағы уәкілетті органның құқықтарын толықтырып, кеңейтеді. Ауыл шаруашылығы бейініндегі ғылыми-зерттеу ұйымдарының селекциялық және асыл тұқымдық жұмыстың ақпараттық базасын әзірлеу және талдау саласындағы өкілеттіктерін күшейту көзделіп отыр.

Министр заң жобасының жаңалықтары ретінде бақылау субъектілеріне уәкілетті орган анықтаған бұзушылықтарды өз бетінше жою құқығын беретін асыл тұқымдық іс саласында профилактикалық бақылау жүргізудің ерекшеліктерін регламенттеудің енгізілгенін атап өтті.

Аталған жобадағы тағы бір жаңалық - тұқымдық орталықтарға тұқымдық бұқаларынан қажетті генотипті алу үшін тұқымды жұптау жұмыстарын жүргізу мақсатында сатып алу мүмкіндігін беру.

Заң жобасына республикалық палаталардың ұсынысы бойынша, ауыл шаруашылығы тауарын өндірушілердің жаңадан алынған ұрықтар мен эмбриондарды пайдалануына мүмкіндік беріледі.

«Мәжіліс депутаттарымен бірге «екінші санаттағы етті бағыттағы асыл тұқымды ірі қара мал» анықтамасының жаңа редакциясы баяндалды. Мәселен, екінші санаттағы асыл тұқымды ірі қара малға қатысты аталық және аналық жағынан да асыл тұқымдығы туралы ақпаратты куәліктерде көрсету көзделеді», - деп атап өтті Ербол Қарашөкеев.

Осы редакцияны қабылдау Еуразиялық экономикалық одаққа мүше мемлекеттердің заңнамалық базасын біріздендіру үшін маңызды.

Сөз соңында ведомство басшысы депутаттық корпуспен тығыз әріптестік пен ынтымақтастықта әзірленген заң жобасының бұл редакциясы өсірілетін мал тұқымдарының генетикалық әлеуеті деңгейін арттыруға және селекциялық-асылдандыру жұмысының сапасын жетілдіруге, сондай ақ асыл тұқымды мал басының санының өсу қарқынын жеделдетуге және мал өнімділігінің деңгейін арттыруға бағытталғанын атап өтті.

Жарыссөз барысында депутаттар екінші санаттағы ет бағытындағы асыл тұқымды ірі қара малды нақты анықтау, профилактикалық бақылауды сақтау, молекулярлық генетикалық сараптама жүргізу және жануарларды геномдық бағалау үшін мамандандырылған мекемелердің болуы және осы қызметтерге баға белгілеу туралы өз пікірлерімен бөлісіп, сауалдарын жолдады.

Депутаттар АӨК субсидиялау жүйесін жетілдіру, атап айтқанда, шағын және орта кәсіпорындарға, сондай-ақ жеке қосалқы шаруашылықтарға қолжетімділікті кеңейту мәселелеріне тоқталды.

Қойылған сұрақтарға жауап бере отырып, Ербол Қарашөкеев аталған жүйені реформалау мәселесі ведомствоның алдында тұрған өткір мәселе екенін және оны реформалау бойынша жүйелі жұмыс жүргізіліп жатқанын хабарлады.

Ведомство басшысы бірінші кезекте осы саладағы құқық бұзушылықтардың үлкен көрсеткіші үшін жауапкершілік қолданыстағы субсидиялау жүйесінің кепіліне айналған

Ауыл шаруашылығы тауарларын өндірушілерге емес, мемлекеттік органдарға, нормалар мен ережелерді әзірлеушілерге жүктелетініне назар аударды.

Талқылау қорытындысы бойынша ҚР Парламенті Мәжілісінің депутаттары «Қазақстан Республикасының кейбір заңнамалық актілеріне асыл тұқымды мал шаруашылығы мәселелері бойынша өзгерістер мен толықтырулар енгізу туралы» заң жобасын бірінші оқылымда мақұлдады.

• 04.02.2022
• 301