Марокко Елшісі сенім грамоталарының көшірмелерін табыстады

Нұр-Сұлтан, 2022 жылғы 4 ақпан – Қазақстан Сыртқы істер министрінің Бірінші орынбасары Шахрат Нұрышевтің Марокконың Елшісі Мохамед Рашид Маанинумен кездесуі өтті және оның барысында сенім грамоталарының көшірмелері табыс етілді.

Тараптар 30 жыл бұрын орнатылған екіжақты қатынастардың қазіргі жағдайы мен перспективаларын, БҰҰ және ИЫҰ сияқты өңірлік және халықаралық ұйымдар аясындағы өзара іс-қимылды талқылады. 2021 жылдың қорытындысы бойынша сауданың оң серпінін ескере отырып, тараптардың сауда-экономикалық ынтымақтастықты арттырудағы ниеті расталды.

Кездесу барысында Ш.Нұрышев марокколық дипломатты тағайындалуымен құттықтап, жаңа қызметіне табыс тіледі.

Елші Р.Маанину қабылдаушы тарапқа қолдауы үшін алғысын білдіріп, екі ел халықтарының игілігі үшін Қазақстан-Марокко ынтымақтастығын нығайту бойынша қызмет атқаруға ниетін растады.

• 04.02.2022
• 170