Ұлттық қоғамдық сенім кеңесі мүшелерімен кездесу

        Ұлттық қоғамдық сенім кеңесі мүшелерімен онлайн кездесу өткіздім. Кеңес мүшелеріне Ұлттық кеңестің екінші отырысында Мемлекет басшысының жүктеген тапсырмасы бойынша ҚР Ауыл шаруашылығы министрлігі «жерді пайдалану мен қорғауға мемлекеттік бақылауды жетілдіру мәселелері бойынша ҚР кейбір заңнамалық актілеріне өзгерістер мен толықтырулар енгізу туралы» ҚР заң жобасын әзірлегенін хабарладым. Бұл құжат бірқатар түзетулерді қамтиды. Атап айтқанда, мәжбүрлеп алынуға жататын ауыл шаруашылығы жерлерін пайдаланбау мерзімі екі жылдан бір жылға дейін қысқартылды. Заң жобасы мүдделі мемлекеттік органдарда келісілуде және жақын арада Үкімет пен ҚР Парламенті Мәжілісіне енгізілетін болады.

        Сондай-ақ, ҚР Парламенті Мәжілісі ҚР Ауыл шаруашылығы министрлігі дайындаған пайдаланылмайтын ауыл шаруашылығы мақсатындағы жерлер үшін базалық салық мөлшерін 10-нан 20 есеге дейін арттыруды көздейтін түзетулерді мақұлдағанын еске салдым.

        Ұлттық қоғамдық сенім кеңесі мүшелері АШМ қызметіне және АӨК-ні дамытуға қатысты қоғамды толғандырған бірқатар сұрақтарды қойды.

        Гүлмира Илеуова ауыл шаруашылығы өндірушілерінің құқықтары және құс тұмауы бойынша эпизоотиялық жағдай туралы мәселелерді көтерді. Айгүл Орынбек мақта шаруашылығы саласын қолдау туралы сұрады және егіс алқаптарын кеңейту мәселесін көтерді.

        Қайырбек Арыстанбеков ұнның құны туралы, ал Қанат Сахария – ҚХР-ға АӨК өнімдерін экспорттау туралы мәселені көтерді.

        Барлық қойылған сұрақтарға жауаптар берілді. Сондай-ақ, Ұлттық қоғамдық сенім кеңесі мүшелеріне қосымша сұрақтар туындаған жағдайда жеке кездесуді ұсындым.

• 02.10.2020
• 376