Қазақстанның Сауда министрлігі биржалық сауда қағидаларын әзірледі

"Қазақстан Республикасының кейбір заңнамалық актілеріне сауда қызметі, биржалық сауданы дамыту және дербес деректерді қорғау мәселелері бойынша өзгерістер мен толықтырулар енгізу туралы" 2021 жылғы 30 желтоқсандағы Қазақстан Республикасының Заңына сәйкес Министрлік биржалық сауда қағидаларының жобасын әзірледі.

Биржалық сауда қағидаларында келесі негізгі нормалар қарастырылған:

- тауарлар мен сауда-саттықтарды оларға жеке талаптар қоя отырып, секциялар бойынша бөлу;

- брокерлер мен дилерлердің бір мезгілде бірнеше тауар биржаларына қатысуына тыйым салуды алып тастай отырып, олардың бірыңғай аккредиттеуін белгілеу;

– сатып алынатын тауарлардың ел ішіндегі құндылығын арттыру бойынша шаралар көзделген.

Қазақстан Республикасының 2015 жылғы 29 қазандағы Кәсіпкерлік кодексінің 65-бабының 1-тармағына және "Құқықтық актілер туралы" Қазақстан Республикасының 2016 жылғы 6 сәуірдегі Заңының 19-бабының 1-тармағына сәйкес "Биржалық сауда қағидаларының" жобасы ашық нормативтік құқықтық актілердің интернет-порталында орналастырылған.

Естеріңізге сала кетейік, 2022 жылғы 1 ақпанда Министрлік "Атамекен" ҰКП мен аккредиттелген ұйымдарға Қағидалар жобасына ескертулер мен ұсыныстар беру туралы хабарлама жіберді.

• 10.02.2022
• 155