Қостанайда қандай азық-түлік тауарларына шекті бағалар белгіленді?

Бағаларды бақылау және әлеуметтік маңызы бар азық-түлік тауарлары құнының күрт ауытқуына жол бермеу үшін Сауда және интеграция министрлігі және жергілікті атқарушы органдар маңызды индикаторды – бөлшек сауда бағаларының шекті мәндерін қадағалап отырады (шекті бағаларды енгізу әдістемесі мен қағидалары 2015 жылы бекітілген)

Әлеуметтік маңызы бар азық-түлік тауарларына бағалардың шекті мәндері бағалардың ауытқуын мониторингілеу және бақылау үшін бекітіледі және ӘМАТ-қа нарықтық бағалардың жай-күйін бағалаудың бағдары болып табылады. Оларды әрбір өңір үшін жергілікті атқарушы органдар жеке белгілейді және елдің басқа өңірлеріне қолданылмайды. Әлеуметтік маңызы бар азық-түлік тауарларына бөлшек сауда бағаларының шекті мәнін есептеу үшін соңғы 3 жылдағы ресми статистикалық ақпарат пайдаланылады.

Егер бағалар қымбаттап, шекті деңгейге жетсе, бұл әкімдіктер үшін бағаның өсуін тежеу бойынша құралдарды жандандырудың белгісі болып табылады: тұрақтандыру қорларындағы интервенция, айналым схемасының ұлғаюы. Егер тауарлар бағасы шекті көрсеткіштен 15% - ға асып кетсе, онда әкімдіктер шекті бағаларды енгізу туралы шешім қабылдауы мүмкін!

Шекті бағаларды жергілікті атқарушы органдар әрбір өңір үшін жеке белгілейді. Мысалы, бүгінгі күні бөлшек сауда бағасының шекті рұқсат етілген мөлшері Қостанай облысында тауық еті, қант, күнбағыс майы және жеміс-көкөніс өнімдеріне белгіленген.

Белгіленген бағадан асатын бөлшек сауда объектілері әкімшілік жауапкершілікке тартылады.

• 10.02.2022
• 155